Navošta advarotny bok biuleteniaŭ na refierendumie zrabili kalarovym? Niečakanaje tłumačeńnie ad člena kamisii
Aficyjnaja viersija CVK — «dla dadatkovaj abarony». Adnak u heta na miescach nie vierać.
Vykazvalisia roznyja dumki adnosna taho, dla čaho mienavita heta navatarstva.
Hučała navat takaja ekzatyčnaja viersija — «kab brać adbitki palcaŭ i vyznačać, chto hałasavaŭ pratesna». Ale heta niemahčyma, z papiery ciažka ŭziać adbitki palcaŭ, śled vyparvajecca chutka.
Nijakaj «abarony ad padrobak», pa idei, nie patrabujecca, z ulikam taho, što adzin vybarščyk kidaje ŭ skrynku adzin biuleteń. Bieły ci kalarovy — ty ŭsio adno na vačach u kamisii i naziralnikaŭ ukidvaješ adzin, a nie dva.
Dyk dla čaho tady taja afarboŭka? Jak patłumačyli «Našaj Nivie» členy vybarčych kamisij, «nam skazali, što kalarovyja biuleteni buduć mienš prazrystyja. A dla čaho treba, kab jany byli «mienš prazrystyja», nie patłumačyli».
My ŭdakładnili ŭ člena adnaho z vybarkamaŭ, navošta, pa jahonym mierkavańni, patrebna afarboŭka adnaho boku. My nie nazyvajem imia čałavieka, jon u Biełarusi.
«Afarboŭka — heta psichałahičny pryjom, aryjentavany na vybarčuju kamisiju, — tłumačyć jon. — Hetym fintom ułady dabivajucca taho, kab prostym členam kamisii ciažej było zrazumieć, jak prahałasavali ludzi. Kab nie tolki hramadstva nie viedała realnych vynikaŭ, ale i sami členy kamisij, jakija paśla vynikaŭ hałasavańnia 2020-ha nie zasłuhoŭvajuć absalutnaha davieru z boku sistemy».
Pa instrukcyi členy kamisii ličać kožny svoj stos, a paśla — zvyčajna šeptam — kažuć vynik staršyniu. A ŭžo toj nibyta tam splusoŭvaje i nazyvaje kančatkovyja ličby.
Na minułych vybarach prostyja členy kamisij davoli masava raskazvali pra niesupadzieńnie taho, što jany bačyli ŭ siabie i inšych, i taho, što ahučvaŭ staršynia.
«Pakul rana śćviardžać, ale ja nie vyklučaŭ by, što kiraŭniki kamisij mohuć atrymać instrukcyju, kab pry «padliku» hałasoŭ biuleteni kłali biełym bokam uniz, kalarovym — uvierch.
I tady prostym členam kamisii ciažej zrazumieć, kolki jakich vynikaŭ u inšych. Praz pafarbavany zadni bok nie buduć praśviečvać dva kryžyki.
Maja dumka, što heta było zroblena dla psichałahičnaj padtrymki členaŭ kamisij, kab spraścić ich samapadman», — miarkuje člen kamisii.
Pajšoŭ rehistravacca naziralnikam na refierendumie i… źnik
U škoły razasłali fejkavyja listy nibyta ad «Biełaj Rusi» z patrabavańniem pravieści akcyi za refierendum. Nastaŭniki padparadkavalisia
-
Što z vyjezdam ź Biełarusi ŭ ES hetym letam?
-
Vice-hubiernatar Homielščyny pra incydent pad Branskam: Pieravozčyki vybrali niebiaśpiečny maršrut praktyčna ŭ pryfrantavoj zonie
-
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary