Budzie vialikaja bitva za Danbas. Takuju vysnovu možna zrabić z zajavaŭ ukrainskich i zachodnich čynoŭnikaŭ
U pryvatnaści, kiraŭnik MZS Ukrainy Dźmitryj Kuleba zajaviŭ: «Bitva za Danbas nabližajecca. Kožny dzień ciažkija bai adbyvajucca ŭ toj častcy Ukrainy. I ich kolkaść budzie pavialičvacca, na žal», — skazaŭ jon padčas bryfinhu ŭ Brusieli.
Ukrainski ministr padkreśliŭ, što bitva za Danbas budzie nahadvać Druhuju suśvietnuju z bujnymi apieratyŭnymi manieŭrami i tysiačami tankaŭ, samalotaŭ i bronietechniki.
Hienieralny sakratar NATA Jens Stołtenbierh skazaŭ:
«My čakajem vialikaj bitvy na Danbasie, vialikaha ruskaha nastupu. Mienavita tamu sajuźniki siońnia adznačyli nieabchodnaść nieadkładna akazać dadatkovuju dapamohu Ukrainie», — dadaŭ hienieralny sakratar.
«Bitva za Danbas zaraz budzie klučavoj u našaj Ajčynnaj vajnie. My ž vystajali ŭ bitvie za Kijeŭ, za Charkaŭ, Čarnihaŭ, Sumy, Mikałajeŭ i mnohija inšyja. Armija trymaje Maryupal. Ale dalejšy chod vajny z Rasijaj vyznačyć mienavita bitva za Danbas», — kaža kiraŭnik Ofisu prezidenta Ukrainy Jarmak.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary