Piaskoŭ nazvaŭ Biełaruś vydatnym miescam dla pieramovaŭ Ukrainy i Rasii
«Z našaha punktu hledžańnia Biełaruś była b, viadoma, vydatnym miescam dla praviadzieńnia pieramovaŭ, ale vy viedajecie, što dla hetaha jašče patrebny punkt hledžańnia ŭkrainskaha boku», — skazaŭ Piaskoŭ žurnalistam u čaćvier.
Raniej pra toje, što Biełaruś pavinna ŭdzielničać u pieramoŭnym pracesie zajaŭlaŭ Alaksandr Łukašenka
«Nie moža być pieramovaŭ biez udziełu Biełarusi, kali vy ŭviazali nas u heta, pieradusim zachodnija krainy, tam na hetych pieramovach, naturalna, pavinna prahučać pazicyja Biełarusi. (…) Tamu nijakich sieparatnych, za śpinaj Biełarusi, damoŭlenaściaŭ być nie moža, i ja absalutna pierakanany i viedaju, što Rasija takuju pazicyju razumieje. I ŭ hetym ničoha kiepskaha niama, ale heta budzie supiarečyć zadumie Zachada, i heta nie značyć, što my pavinny tancavać pad dudku Zachada», — kazaŭ Łukašenka na pasiadžeńni Rady biaśpieki na minułym tydni.
Ale pa praviadzieńni pieramovaŭ u vočnym farmacie na hety momant niama prapanoŭ.
Ciapier čytajuć
Siarhiej Cichanoŭski pierabraŭsia žyć u Łos-Andželes63
Kamientary