Kampanija «Biełarusnafta» adkryła novyja naftavyja zaležy i radoviščy ŭ niekalkich zonach Prypiackaha prahinu. Pavodle acenki hieołahaŭ, resursnaja baza vuhlevadarodaŭ na naftavym radoviščy i zaležach u sumie pieravyšaje 6 młn ton, piša hazieta «Biełorusy i rynok».
U Brahinskim rajonie paćvierdžanaja pramysłovaja naftanosnaść adkładaŭ na Uschodnie-Amielkaŭščynskaj struktury. Papiaredniaja acenka resursnaj bazy tut — 500 tys. ton nafty.
Na Bieskapylnoŭskim radoviščy ŭ Chojnickim rajonie śpiecyjalisty «Biełarusnafty» adkryli 3 novyja vysokapraduktyŭnyja zaležy. Ich patencyjał — prykładna 800 tys. tonaŭ nafty, a ŭ cełym pa radoviščy — bolš za 3 młn tonaŭ.
Zapasy na Paŭnočna-Biarezinskim radoviščy ŭ Žłobinskim rajonie aceńvajucca ŭ 900 tys. tonaŭ nafty. Resursny patencyjał ŭčastka moža składać bolš za 3 młn tonaŭ.
«U cełym sioleta adkryćci našaj kampanii źviazanyja z čatyrma rajonami — Brahinskim, Chojnickim, Rečyckim i Žłobinskim. Sumarna sioleta za košt hieołaha-raźviedačnych rabot pryraścili bolš za 6 młn tonaŭ zapasaŭ nafty», — adznačyŭ namieśnik hiendyrektara «Biełarusnafty» pa hieałohii Piotr Paŭžyk.
Pa stanie na 2021 hod pradpryjemstva «Biełarusnafta» viało zdabyču nafty i hazu na 64 radoviščach u Biełarusi. Z 2013 hoda štohadovy abjom zdabyčy trymaŭsia na ŭzroŭni ŭ 1 młn 645 tysiač ton, a z 2017 hoda pačaŭsia nievialiki štohadovy rost hetych abjomaŭ.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary