Hetaje pytańnie abmiarkoŭvałasia 25 žniŭnia na sustrečy kiraŭnika Administracyi prezidenta Biełarusi Uładzimira Makieja z dyrektaram Jeŭrapiejskaha departamienta MVF Markam Belkam.
U 2010 hodzie Mižnarodny valutny fond moža pryniać novuju kredytnuju prahramu dla Biełarusi. Hetaje pytańnie abmiarkoŭvałasia 25 žniŭnia na sustrečy kiraŭnika Administracyi prezidenta Biełarusi Uładzimira Makieja z dyrektaram Jeŭrapiejskaha departamienta MVF Markam Belkam, jaki znachodzicca ŭ Minsku.
Jak paviedamiŭ telekanał STV, pradstaŭnik MVF «vykazaŭ zadavalnieńnie ekanamičnaj palitykaj Biełarusi, asabliva ŭ častcy zabieśpiačeńnia finansavaj stabilnaści i libieralizacyi».
Makiej, u svaju čarhu, vykazaŭ «pažadańnie biełaruskamu boku, kab pry vypracoŭcy svaich rekamiendacyj MVF uličvaŭ nacyjanalnyja asablivaści sacyjalna aryjentavanaj biełaruskaj ekanomiki».
Nahadajem, u studzieni 2009 hoda kiraŭnictva MVF uchvaliła vydzialeńnie kredytu stand‑by Biełarusi ŭ abjomie prykładna 2,46 młrd. dalaraŭ pad prahramu ekanamičnych reform, raźličanuju na 15 miesiacaŭ (da krasavika 2010 hoda).
Pieršy tranš kredytu ŭ 788 młn. dalaraŭ ZŠA pa staŭcy LIBOR plus 0,75% hadavych pastupiŭ u Biełaruś 14 studzienia, astatnija srodki pieraličvajucca z ulikam štokvartalnych spravazdač biełaruskaha ŭrada.
29 červienia saviet dyrektaraŭ MVF zaviaršyŭ pieršy ahlad u miežach damoŭlenaści z uładami Biełarusi ab kredycie stand‑by. Pry hetym fond zaćvierdziŭ vydzialeńnie čarhovaha tranšu kredytu ŭ 679,2 młn. dalaraŭ ZŠA i pavialičyŭ u cełym abjom finansavaj padtrymki na 1 młrd. dalaraŭ — da 3,52 młrd.
Druhi tranš kredytu MVF pastupiŭ u Biełaruś 2 lipienia. Da kanca hoda Nacbank raźličvaje atrymać ad MVF jašče dva tranšy na 1,35 młrd. dalaraŭ stabilizacyjnaha kredytu.
Z 18 žniŭnia pa 2 vieraśnia ŭ Biełarusi pracuje hrupa ekśpiertaŭ MVF na čale z kiraŭnikom misii fondu Krystafieram Džarvisam. Jany pravodziać kansultacyi ŭ miežach čarhovaha kvartalnaha ahladu raźvićcia biełaruskaj ekanomiki. Misija aceńvaje chod vykanańnia ŭradam prahramy, jakaja padtrymlivajecca kredytam stand‑by.
Marak Belka znachodzicca ŭ Biełarusi z 24 žniŭnia.
Siońnia, akramia pieramoŭ z Uładzimiram Makiejem, jon sustreŭsia z premjer‑ministram Siarhiejem Sidorskim. Ranicaj 26 žniŭnia pavinny prajści pieramovy Belki ź vice‑premjeram Andrejem Kabiakovym. Zaŭtra ž pradstaŭnik MVF vylecić ź Minska.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary