Kolkaść nasielnictva Biełarusi za studzień—lipień 2009 hoda źmienšyłasia na 12,9 tys. u paraŭnańni z anałahičnym letašnim pieryjadam.
Kolkaść nasielnictva Biełarusi za studzień—lipień 2009 hoda źmienšyłasia na 12,9 tys. u paraŭnańni z anałahičnym letašnim pieryjadam. Jak paviedamlaje Nacyjanalny statystyčny kamitet, na 1 žniŭnia ŭ krainie pražyvali 9 młn. 662,9 tys. čałaviek.
U Minsku za razhladany pieryjad kolkaść nasielnictva pavialičyłasia na 25,1 tys. čałaviek — z 1 młn. 814,5 tys. da 1 młn. 839,6 tys. čałaviek.
U astatnich rehijonach krainy hety pakazčyk źniziŭsia.
Tak, u Homielskaj vobłaści na 1 žniŭnia 2009 hoda naličvałasia 1 młn. 462,6 tys. žycharoŭ (na 1 žniŭnia 2008 hoda — 1 młn. 466,3 tys.), u Minskaj — 1 młn. 449,1 tys. (1 młn. 459,9 tys.), Bresckaj — 1 młn. 431,3 tys. (1 młn. 435,1 tys.), Viciebskaj — 1 młn. 260,9 tys. (1 młn. 268,8 tys.), Mahiloŭskaj — 1 młn. 119,1 tys. (1 młn. 126,4 tys.), Hrodzienskaj — 1 młn. 100,3 tys. (1 młn. 104,8 tys.).
Za siem miesiacaŭ u krainie naradziłasia 63 tys. 732 dziciaci (na 2 tys. 40 bolš u paraŭnańni sa studzieniem—lipieniem 2008 hoda), pamierli — 79 tys. 722 čałavieki (na 834 bolš).
U hety ž pieryjad u krainu prybyli 11 tys. 282 čałavieki, pajechali — 4 tys. 256. Mihracyjny pryrost skłaŭ 7 tys. 26 čałaviek.
U studzieni—lipieni hetaha hoda ŭ paraŭnańni z hetkim ža letašnim pieryjadam kolkaść zarehistravanych šlubaŭ pavialičyłasia na 8,6% (da 39 tys. 936), kolkaść skasavańnia šlubaŭ skaraciłasia na 5,6% (19 tys. 633).
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary