Siońnia a 4‑j hadzinie trapiŭ u avaryju rejsavy aŭtobus Minsk — Ryha. Zdareńnie adbyłosia ŭ Łatvii za try kiłamietry ad biełaruska‑łatvijskaj miažy.
Aŭtobus «MAZ» źjechaŭ z prajezžaj častki pad adchon i pierakuliŭsia. U im jechali 38 čałaviek. Pra zdareńnie apavioŭ mahiloviec Ihar Kavalenka.
«Troch čałaviek advieźli ŭ bližejšuju balnicu łatvijskija miedyki. Pra ich stan ničoha skazać nie mahu. Z astatnimi nibyta ŭsio ŭ paradku. Aŭtobus — ź minskaha aŭtaparku №2. Palicyja na vaśmi mašynach nas padviezła da Daŭhaŭpiłsa na aŭtavakzał. Tam my nabyli za svaje hrošy kvitki i ciapier jedziem u Ryhu na łatvijskim aŭtobusie. My telefanavali i ŭ ambasadu, i ŭ aŭtapark — nichto nam nie dapamoh. Jak adbyłasia avaryja, nichto nie viedaje, bo ŭsie spali».
Radyjo Svaboda, fota Hleba Mikuliča
Kamientary