Siarhiej Bycko, pa mianušcy «Byca», uciok z-pad varty.
Biełaruskaja milicyja abjaviła ŭ mižnarodny vyšuk kryminalnaha aŭtaryteta pa mianušcy «Byca», jaki ŭciok z‑pad varty. Pra heta «NN» paviedamili ŭ Słonimskim RAUSie.
Nahadajem, što 20 žniŭnia 40‑hadovaha słonimca Siarhieja Bycko vieźli ŭ aŭtazaku z Baranavičy ŭ Słonim, dzie nad im pavinien byŭ adbycca sud za chulihanstva.
U vakolicach Słonima jaho pakul nie ŭdałosia znajści — pravaachoŭnyja orhany nie vyklučajuć mahčymaści taho, što za tydzień jon moh vyjechać ŭ Rasiju ci Ukrainu.
Siarhiej Bycko nieadnarazova sudzimy. Da hetaha jon adsiadzieŭ terminy za chulihanstva, vymahalnictva i zachoŭvańnie ahniastrelnaj zbroi. Upraŭleńnie vyšuku UUS Hrodzienskaha abłvykankamu raźmiaściła va ŭsich hramadskich miescach aryjenciroŭki dla vyšuku ŭciekača.
Prykmiety Siarhieja Bycko: mužčyna karžakavataha ciełaskładu, tvar vyciahnuty, skułasty, vołas karotki, śvietły, rost 185 — 190 sm. Asobyja prykmiety: na pravym plačy tatuiroŭki «pavuk i pavucina», levym plačy «pahon», na levaj nazie «kryžy i čerapy», na pravaj nazie «pahon i kinžał», na žyvacie šram ad kulavoha ranieńnia, na śpinie šram 10 sm. Byŭ apranuty ŭ čornyja spartyŭnyja štany i čornuju majku.
Milicyja prosić usich, kamu stanie viadoma pra miescaznachodžańnie hetaha čałavieka, paviedamlać pa telefonach: u h. Hrodna 8‑0152‑797372, Słonimie 8‑01562‑24402, abo 102. Uznaharodžańnie i kanfidencyjalnaść harantujecca.
Darečy, heta ŭžo druhi pabieh z‑pad kanvoju za apošnija niekalki miesiacaŭ. Biełaruskaja milicyja abviaściła taksama ŭ miždziaržaŭny vyšuk złačyncu Siarhiej Bahdašova, jaki 29 traŭnia napaŭ na kanvaira, zabraŭ u jaho tabielny pistalet i uciok z zała suda. Recydyvista da hetaj pary nie zatrymali.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary