Častku achvotnych trapić na bardaŭski fest milicyja vyviezła z Voršy na «aŭtazaku».
Ułady, jak i katory hod, sprabujuć sarvać bardaŭski fest «Aršanskaja bitva». Častku achvotnych trapić na Krapivienskaje pole milicyja vyviezła z Voršy na «aŭtazaku».
Pieršyja sutyknieńni ź milicyjantami ŭ achvotnych trapić na bardaŭski fest pačalisia na aršanskim aŭta- i čyhunačnym vakzałach. Kala aŭtobusaŭ, što išli ŭ bok vioski Haćkaŭščyna, dzie fest «Aršanskaja bitva» adbyvajecca z 1991 hodu, milicyjanty spačatku pierapisvali pašpartnyja źviestki va ŭsich, chto vyhladaŭ na patencyjnych udzielnikaŭ.
Supracoŭniki DAI dziažuryli na kožnym skryžavańni ŭzdoŭž šašy. A čamu? Maŭlaŭ, na ŭźbiarežžy Krapivienki znajšli minu. Jak i ŭ minułyja hady, miny «znachodziać» akurat napiaredadni jubileju pieramohi vojska Vialikaha Kniastva Litoŭskaha nad maskoŭskim. Jana zdaryłasia, jak viadoma, 8 vieraśnia 1514 hodu.
Majučy dośvied sutyčak 2007 hodu, kaardynatary prapanavali pierajści na inšuju placoŭku pablizu ad tradycyjnaha miesca.
Pieršym raspaliŭ vohnišča mastak Aleś Puškin ź siabrami. Aleś zhatavaŭ krupnik i častavaŭ im usich prysutnych.
Tym časam źjavilisia pieršyja namioty i ściah — pieršymi svoj uźniali siabry «Pravaha aljansu»
Aleś Puškin prezentavaŭ svaju novuju karcinu, pryśviečanuju biełarusamu supracivu: dźvie mocnyja ruki trymajuć zaniesienuju ŭharu siakieru. Hetaja karcina azdablała fest ciaham usiaje nočy, niedaloka ad jaje j raspačali svaje vystupy bardy Andrej Mielnikaŭ i Ihar Muchin.
Aśviatleńnia nie było: milicyjanty zatrymali aŭtamašynu, u jakoj vieźli elektrahieneratar.Śledam zatrymali jašče adnu mašynu, dzie jechaŭ kaardynatar festu Jury Kopcik. Da 10-j viečara čaćviarych čałaviek pratrymali ŭ Aršanskim RAUS, a potym adpuścili, nia skłaŭšy nijakich pratakołaŭ.
Hieneratar da hetaha času madzieje ŭ rajadździele milicyi.
U Aršanski RAUS trapili jašče bolš za dziesiać čałaviek, jakija kiravalisia na fest.
Ich zatrymali zusim pobač z kancertnaj placoŭkaj: biez usialakich tłumačeńniaŭ pasadzili ŭ padahnany «aŭtazak». Tolki ŭ pastarunku zatrymanym paviedamili pryčynu: u ich nie było flikieraŭ.Urešcie hetych chłapcoŭ i dziaŭčat vyvieźli za 25 kilametraŭ na čyhunačnuju stancyju Kochanava.
Milicyjanty ž achoŭvali Krapivienskaje pole ŭsiu noč i navat ranicaj. Atrymałasia kruhłasutkavaja hanarovaja varta ŭ histaryčnym miescy, žartujuć arhanizatary sioletniaj «Aršanskaj bitvy-2009» Hienadź Šepieleŭ i Jury Kopcik.
Ciapier čytajuć
Aryna Sabalenka vyjšła da minčukoŭ u atačeńni vaśmi achoŭnikaŭ VIDEA17
Kamientary