Krynicy: Praz padzieńnie vytvorčaści ŭ Biełarusi źniziłasia spažyvańnie enierhii, možna padazravać, što AES znoŭ nie pracuje
Jak stała viadoma «Našaj Nivie» z abaznanych krynic u śfiery enierhietyki, biełaruskaja AES nijak nie moža vyjści na stabilnuju rabotu: da prablem ź niemahčymaściu pradać enierhiju ŭ Jeŭropu dadalisia prablemy skaračeńnia ŭnutranaha spažyvańnia praz padzieńnie vytvorčaści.
«Enierhiju niemahčyma pradać za miažu praz palityčnyja pryčyny, a spad vytvorčaści skaračaje patreby ŭ enierhii. U krainie prasiadaje pramysłovaść: kali ŭ cechach nie źbirajucca MAZy, kali nie źbirajucca BIEŁAZy i hetak dalej — kudy jaje [enerhiju] dziavać?», — kaža naš surazmoŭca.
«Jość padstavy mierkavać, što ciapier stancyja nie pracuje pad vyhladam płanavaha ramontu. Nasamreč, heta narmalna, što niejkija dva tydni z hodu AES prachodzić płanavy ramont, ale ŭ nas vychodzić nie dva tydni, a pałova hoda», — dadaje abaznany.
Tym časam, apošniaje abnaŭleńnie na sajcie Minenierha ab kolkaści vyrablenaj na AES enierhii datujecca 8 lutym 2022-ha.
U łukašenkaŭskich ŚMI dziejnaść Astravieckaj AES daŭno nie zhadvałasia.
Na BiełTA jość majskaja spravazdača ab ekskursii pa AES dla hrupy litoŭskich miedyjapiersanažaŭ, jakija nazyvajucca ŭpłyvovymi błohierami: paśla ekskursii jany ŭsie vykazalisia ŭ duchu taho, što admova Litvy ad nabyćcia enierhii z AES — strašnaja pamyłka litoŭskich palitykaŭ u škodu prostym ludziam.
U hety ž čas da zapusku rychtujecca druhi enierhabłok biełaruskaj AES, jaki miarkujecca zapuścić u 2022 hodzie.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami11
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4747
Kamientary