Uładzimir Niaklajeŭ zastupiŭsia za Vasila Bykava pierad ministram adukacyi i navuki Ukrainy
Tekst lista ŭ abaronu Vasila Bykava, adrasavany ministru adukacyi i navuki Ukrainy Siarhieju Škarletu, Uładzimir Niaklajeŭ nadrukavaŭ u Fejsbuku.
U liście Niaklajeŭ zhadvaje pra namiery Ministerstva vykraślić sa śpisu školnaj prahramy pa zamiežnaj litaratury «Alpijskuju baładu» Vasila Bykava i vykazvaje niazhodu z tym, što Bykaŭ moža być navat uskosna adkazny za «masavaje ŭvarvańnie Uzbrojenych siłaŭ Rasijskaj Fiederacyi va Ukrainu».
Jon nahadvaje źviazanyja z Ukrainaj staronki bijahrafii Vasila Bykava, a taksama toje, što
«Vasil Bykaŭ — najvybitnaja asoba nie tolki ŭ sučasnaj biełaruskaj litaratury, ale i ŭ našym siońniašnim žyćci. Jon piśmieńnik, jaki ŭ svajoj tvorčaści zaŭsiody adstojvaŭ praŭdu. Jon zmahaŭsia za našu movu, za nacyjanalnuju kulturu i historyju. Za toje, kab Biełaruś była Biełaruśsiu, jak i Ukraina — Ukrainaj».
Zychodziačy z hetaha, Niaklajeŭ spadziajecca, što ŭkrainskija čynoŭniki vypraviać pamyłku, bo «takija postaci, jak Vasil Bykaŭ, nie musiać zabyvacca novymi pakaleńniami, sychodzić z šerahu baraćbitoŭ za našu budučyniu».
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty20
Kamientary