Niešta novaje. Jak u Jelskim rajonie išła padrychtoŭka da vajenna-mabilizacyjnych vučeńniaŭ FOTA
Jelskaja rajonnaja hazieta «Narodny hołas» apublikavała fota taho, jak išła padrychtoŭka da vajenna-mabilizacyjnych vučeńniaŭ, što prachodziać na Homielščynie.
Na fota miascovy dom kultury abkładzieny miachami ź piaskom.
— U ramkach płanavych vajenna-mabilizacyjnych vučeńniaŭ, jakija projduć na terytoryi Homielskaj vobłaści z 22 červienia pa 1 lipienia, u Jelskim rajonie idzie padrychtoŭka da vykanańnia zadač pa pryznačeńni vajennych orhanaŭ kiravańnia. Z hetaj metaj šerah hramadzianskich abjektaŭ pa ŭmovach vučeńniaŭ budzie ŭzmocnieny ŭ achoŭnym i vartaŭničym paradku, a taksama abstalavany ŭ inžyniernych adnosinach z metaj adbićcia ŭmoŭnaha sapiernika na abjekty, jakija znachodziacca pad achovaj Uzbrojenych sił Respubliki Biełaruś, — patłumačyŭ Mikałaj Charkoŭ, načalnik adasoblenaj hrupy Jelskaha rajona Vajennaha kamisaryjata Mazyrskaha, Jelskaha i Naraŭlanskaha rajonaŭ.
«Adbivać» vyrašyli, jak vidać na fota, i miascovy dom kultury.
Charkoŭ paprasiŭ miascovych žycharoŭ zachoŭvać spakoj.
U Jelskim rajonie 22 červienia, jak i va ŭsioj Homielskaj vobłaści, pačalisia vajenna-mabilizacyjnyja vučeńni. Praciahnucca jany da 1 lipienia.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik52
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1818
Kamientary