Biełstat: Bolš za pałovu inšaziemcaŭ jeduć u Biełaruś praviedać svajakoŭ, pradukty nie hałoŭnaje
21 maja 2022 hoda Biełstatam było praviedzienaje vybaračnaje apytańnie fizičnych asob u aŭtadarožnych punktach propusku praź dziaržaŭnuju miažu Respubliki Biełaruś. Vyniki jaho apublikavanyja na sajcie ŭstanovy.
Pavodle dziaržaŭnaj statystyki, byli raspaŭsiudžanyja 4652 ankiety ŭ 8 aŭtadarožnych punktach propusku. Z ahulnaj kolkaści raspaŭsiudžanych ankiet było zapoŭniena 2968, ci 63,8%. Nierezidenty Respubliki Biełaruś skłali 44,6%, jany zapoŭnili 1325 ankiet. Hramadzianie Respubliki Biełaruś zapoŭnili 1643 ankiety.
Najbolš apytanych biełarusaŭ jechała ŭ Polšču (69,7%), Litvu (20,5%), Łatviju (2,5%) i Hiermaniju (2,1%).
U Biełaruś zajazdžali pieravažna rezidenty Litvy (55,3%), Łatvii (17,9%), Polščy (10,4%) i Rasii (7,9%).
Pajezdki hramadzian Biełarusi i zamiežnych hramadzian, jak vynikaje z apytańnia, u asnoŭnym byli karotkaterminovymi (na 3 dni i mienš). Takuju praciahłaść pajezdki paznačyli 58,6% rezidentaŭ i 73,1% nierezidentaŭ Biełarusi.
Uvozili tavary ŭ Biełaruś pieravažna z Polščy (77,3% ad ahulnaha koštu tavaraŭ) i Litvy (21%), vyvozili hałoŭnym čynam u Polšču (49,8% ad ahulnaha koštu vyviezienych tavaraŭ), Litvu (36,2%) i Łatviju (14%).
Asnoŭnyja vidy tavaraŭ, jakija ŭvoziacca ŭ Biełaruś — televizary (uvieziena ŭ siarednim na 467 dalaraŭ ZŠA na adnaho čałavieka), kampjutarnaja technika i srodki suviazi (462 dalary), elektryčnaja bytavaja technika (319 dalaraŭ).
Padobnyja ličby i taho, što ad nas vyvozicca. Tut ź vialikaj pieravahaj lidziruje kampjutarnaja technika i srodki suviazi (vyvieziena ŭ siarednim na 2033 dalary na adnaho čałavieka). Zatym iduć šyny i koły (300 dalaraŭ), elektryčnaja bytavaja technika (260 dalaraŭ), televizary (200 dalaraŭ).
A voś charčovych tavaraŭ inšaziemcy vyvoziać ad nas u siarednim tolki na 23 dalary.
Asnoŭnymi metami pajezdak hramadzian Respubliki Biełaruś, jakija vyjazdžajuć za miažu, byli pracaŭładkavańnie (28,4% ad ahulnaj kolkaści zapoŭnienych ankiet), naviedvańnie rodnych i blizkich (24,6%) i nabyćcio abo prodaž tavaraŭ (18,3%).
U toj ža čas nierezidenty Biełarusi jeduć u asnoŭnym zusim nie pa tannyja tavary, jak možna było b zrazumieć z materyjałaŭ dziaržaŭnaj prapahandy i vykazvańniaŭ vysokich słužbovych asob.
Bolš za pałovu inšaziemcaŭ (55,7%) jeduć u Biełaruś, kab naviedać svajakoŭ.
Kab nabyć abo pradać tavary — 16,2%, dla adpačynku, lačeńnia, ekskursij, pałomnictva — 9,3%.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami14
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary