«Lohkaść, svaboda, tvorčaść — na kožnym kroku». Homielskaja prapahandystka adpačyvaje ŭ krainach, jakija ŭ pracoŭny čas palivaje brudam
Śviatłana Kniazieva — rabotnica homielskaha telebačańnia z 15-hadovym stažam, viadzie prahramy na rehijanalnym kanale «Biełaruś 4 Homiel». I ŭ svajoj rytorycy ŭ efiry ničym nie roźnicca ad inšych dziaržaŭnych prapahandystaŭ. Ale pry hetym adpačyvaje na Zachadzie i hetym chvalicca, piša vydańnie «Fłahštok»
Miarkujučy pa fotazdymkach, jakija Kniazieva (nie prosta viadučaja, ale i redaktarka adździeła padrychtoŭki televizijnych prahram TRK «Homiel») raźmiaściła na svajoj staroncy ŭ Instahramie, adpačyvać «dla pierazahruzki» jana jeździć u jeŭrapiejskija krainy «pa pryhožych haradach z bahataj historyjaj». U apošnija miesiacy jana apublikavała spravazdaču z krain, jakija najbolš demanizuje biełaruskaja prapahanda — Polščy i Litvy. Jana zachaplajecca staroj architekturaj, dobraŭparadkavańniem. A na adzin z fotazdymkaŭ ź Vilni padpisała: «Lohkaść, svaboda, tvorčaść — na kožnym kroku».
I ŭsio b ničoha, ale ŭ svaich efirach prapahandystka nie stamlajecca raskazvać pra ŭsie pieravahi «biełaruskaha šlachu», pra «hienacyd biełaruskaha naroda» i «varožyja» jeŭrapiejskija krainy.
Apošnim časam našy susiedki, jakija ŭvachodziać u Jeŭrasajuz, zadumalisia nad tym, kab pierastać puskać takich asob na svaju terytoryju. Tak, Ministerstva ŭnutranych spraŭ Łatvii ŭžo padrychtavała papraŭki ŭ praviły ab dziaržavach, hramadzianie jakich pry padačy dakumientaŭ na vizu i vid na žycharstva pavinny prachodzić pravierki na pradmiet pahrozy nacyjanalnaj biaśpiecy i hramadskamu paradku. Užo siońnia va ŭjeździe ŭ krainu admaŭlajuć tym, chto adkryta demanstruje padtrymku vajskovaj ahresii RF suprać Ukrainy.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary