Chakiejnaje «Dynama» dasłała Łukašenku na dzień naradžeńnia liślivaje vinšavańnie
Chakieisty i ŭsie inšyja členy kalektyva kamandy dziakujuć Łukašenku «za šmathadovuju pracu… na karyść našaj krainy, za tuju ŭvahu i padtrymku sportu, jakuju vy akazvajecie». A dalej malujuć karcinu, jakaja nie maje asablivaha dačynieńnia da rečaisnaści.
Tak, pavodle aŭtaraŭ vinšavańnia: «Chakiej u našaj krainie z kožnym hodam kvitnieje, vychoŭvajučy chakieistaŭ suśvietnaha kłasa, jakija vystupajuć u lepšych lihach płaniety. Kožny hod «Dynama» raduje dziasiatki tysiač zaŭziataraŭ svajoj vidoviščnaj hulnioj pa ŭsioj krainie».
Akramia taho, jany «ŭpeŭnienyja, što nie tolki «Dynama», ale i zbornaja Biełarusi jašče hučna zajavić pra siabie na suśvietnych pieršynstvach, jak pa-sapraŭdnamu chakiejnaja dziaržava top-uzroŭniu».
Na fonie taho, što mienavita dziakujučy palitycy Łukašenki ŭ apošnija hady biełaruski chakiej apynuŭsia ŭ suśvietnaj izalacyi, a zbornaja maje mahčymaść hulać chiba tolki z takimi ž izhojami — rasijanami, hetyja słovy hučać dziŭnavata. Prytym pakul što ništo nie śviedčyć, što najbližejšym časam niešta pazityŭna źmienicca. Krychu bolš za tydzień tamu kiraŭnictva Mižnarodnaj fiederacyi chakieju na lodzie (IICHF) aficyjna paćvierdziła, što novy siezon chakieisty Rasii i Biełarusi taksama praviaduć u suśvietnym banie. I što kali ničoha nie źmienicca, «my budziem rabić heta z hodu ŭ hod».
Čytajcie taksama:
Biełaruski chakiej pa-raniejšamu budzie adchileny ad udziełu ŭ spabornictvach pad ehidaj IICHF
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk31
Kamientary