Pad palityčnyja represii z 2020 hoda trapili jak minimum 19 pravasłaŭnych śviataroŭ
U suviazi z mahčymaściu kryminalnaha pieraśledu aryštavanaha ŭčora śviatara Uładzisłava Bahamolnikava supołka «Chryścijanskaja vizija» pryvodzić sumnuju statystyku pa pieraśledach biełaruskich pravasłaŭnych śviataroŭ paśla vybaraŭ 9 žniŭnia 2020 hoda i da hetaha času.
Supołcy, jakaja viadzie manitorynh pieraśledu na pastajannaj asnovie, viadoma nie mienš za 19 vypadkaŭ pramych ci ŭskosnych represij suprać pravasłaŭnaha śviatarstva ci jepiskapatu BPC.
Pad pramymi represijami razumiejecca administracyjny ci kryminalny pieraśled, a pad uskosnym — roznaha rodu cisk u vyhladzie aficyjnych papiaredžańniaŭ; źmiaščeńnia z pasady ci prychodu abo pieravodu na inšyja, z horšymi ŭmovami; ckavańnia ŭ praŭładnych ŚMI abo afilavanych z režymam Łukašenki ŚMI i da t. p.
Pavodle surovaści represij raźbiŭka takaja:
- 1 śviatar pryznany «terarystam», suprać jaho ŭzbudžanaja kryminalnaja sprava, doŭhi čas znachodzicca ŭ SIZA;
- jak minimum 4 śviatary atrymlivali aryšty abo ŭtrymlivalisia da suda ŭ IČU;
- u 3 śviataroŭ prachodzili pieratrusy doma;
- 1 śviatar atrymaŭ štraf;
- u 8 vypadkach mielisia roznaha rodu źmiaščeńni (z pasadaŭ, prychodu).
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary