Statkieviča pieraviali ŭ «bolš prastornuju» kamieru. Jana na 7 santymietraŭ šyrejšaja za papiaredniuju
«Hałoŭnaja navina — pieraviali ŭ kamieru paviercham vyšej. Jana na santymietraŭ 7 šyrejšaja i hetaha chapiła, kab prasunucca paŭz tumbačku da ścienki, supraćlehłaj dźviaram», — napisaŭ palitviazień Mikałaj Statkievič u liście da žonki Maryny Adamovič.
«U vyniku ciapier, choć i «zihzaham», ale možna prajści pa kamiery piać krokaŭ. Što zrabiła maje «prahułki» bolš «intensiŭnymi». A ŭ prahułačnych dvorykach sapraŭdy vyrašyli pamianiać dyzajn. Tolki nie łandšaftu, a krataŭ — armatura niečym nie zadavoliła. Kali heta skončycca — nie kažuć», — piša Statkievič.
Palityka nie vyvodziać na prahułku ŭžo bolš za miesiac, matyvujučy heta «ramontam prahułačnych dvorykaŭ», adznačaje Maryna Adamovič. «Voś tak, raptam, USIE dvoryki «ramantujuć». Uličvajučy maštab i čas, ja ŭ liście zapytałasia, ci nie łandšaftny dyzajn tam pierarablajuć».
«… Ciapier hetaja kamiera suchaja, ale pa sčarniełych stoli i ścienach u adnym z kutoŭ tak było nie zaŭsiody. Kažuć, što dach ramantavali — vosień pakaža.
… Pastupova pavialičvaju nahruzki padčas zaniatkaŭ fizkulturaj. Dniom u mianie try «prahułki» pa kamiery pa 30-40 chvilin i adna viečaram na 20-30 chvilin. Padčas dzionnych «prahułak» rablu fizičnyja praktykavańni. Z-za pamieraŭ kamiery pryjšłosia ŭvodzić praktykavańni z «hantelaj», u jakaści jakoj skarystoŭvaju PET-butelku 1,5 litra. Praŭda, z-za nievialikaj vahi mušu ciahać hetuju «hantelu» pa razoŭ 800 za dzień. I z časam pryjdziecca hetuju kolkaść jašče pavialičvać», — napisaŭ u liście Mikałaj Statkievič.
Mikałaj Statkievič byŭ zatrymany 31 maja 2020 hoda, a ŭ śniežni 2021 hoda asudžany na 14 hadoŭ kałonii asablivaha režymu. Pakarańnie adbyvaje ŭ Hłybokim. Na pačatku žniŭnia jaho pieraviali ŭ adzinočnuju kamieru płoščaj try kvadratnyja mietry.
Ciapier čytajuć
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi16
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4545
Kamientary