Byłomu vajskoŭcu prysudzili 2,5 hoda kałonii pa «spravie Zielcera»
Brescki abłasny sud vynies rašeńnie pa spravie eks-vajskoŭca Alaksandra Vielaśnickaha, jakoha abvinavačvali ŭ raspalvańni varožaści (art. 130 KK), piša «Viasna». Nahodaj dla zatrymańnia staŭ kamientaryj, jaki Vielaśnicki nibyta pakinuŭ u «ekstremisckim» telehram-kanale: «Likvidavany člen złačynnaj hrupoŭki KDB. Zahinuŭ naš. Słava hieroju».
Padčas sudoŭ mužčyna admoviŭsia ad raniejšych pakazańniaŭ, paviedamiŭ pra źbićcio i pahrozy ŭ svoj bok. Tak, u dzień zatrymańnia pinskija supracoŭniki KDB pahražali prastrelić jamu nohi. U Minsku na Akreścina jon try dni nie moh spać, kamiera była dušnaj i pierapoŭnienaj ludźmi. Zatym, kali Alaksandra dastavili ŭ Žodzina, supracoŭniki turmy stali ŭ šerah, pačali źbivać i nackoŭvać sabak.
19 vieraśnia Łukašenka pazbaviŭ Vielaśnickaha, jaki ŭ žniŭni 2020 hoda asudziŭ hvałt siłavikoŭ i publična admoviŭsia ad miedala «Za biezdakornuju słužbu», vajskovaha zvańnia. A sud prysudziŭ jamu 2,5 hoda kałonii.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary