21 kastryčnika ŭ kłubie 19-j asobnaj hvardziejskaj miechanizavanaj bryhady ŭ Zasłonavie Lepielskaha rajona prajšoŭ sud nad siaržantam, jaki źbiŭ padnačalenaha, paviedamlajuć «Narodnyja naviny Viciebska».
Abodva — vajskoŭcy terminovaj słužby. Zdareńnie adbyłosia 4 červienia. Radavy nie vyjšaŭ na pastrajeńnie, i siaržant u kazarmie ŭ prysutnaści inšych vajskoŭcaŭ pavaliŭ sałdata na kresły, adabraŭ u jaho telefon, ź jakoha toj čytaŭ knihu, i niekalki razoŭ udaryŭ pa tvary. U vyniku ŭ radavoha źjaviŭsia siniak.
Hiematomu zaŭvažyŭ aficer, vajskoviec pryznaŭsia jamu, što byŭ źbity. Siaržant taksama paćvierdziŭ heta aficeru, zajaviŭšy, što radavy nie vyjšaŭ na pastrajeńnie, bo siadzieŭ u telefonie. Na sudzie jon taksama pryznaŭ vinu.
U vyniku sud Lepielskaha rajona pryznaŭ siaržanta vinavatym u pieravyšeńni ŭłady, spałučanym z hvałtam, prysudziŭ jamu try hady pazbaŭleńnia voli i pazbaviŭ vajskovaha zvańnia.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu45
Kamientary