Uładzimir Pucin nie pajedzie na samit G20 na Bali ŭ Indaniezii. Pra heta paviedamiŭ Reuters u čaćvier pradstaŭnik urada Indaniezii. Hetu infarmacyju paćvierdzili i ŭ rasijskim pasolstvie. Pry hetym abodva baki vykazali zdahadku, što Pucin, mahčyma, voźmie ŭdzieł u adnoj z sustreč u ramkach samita ŭ režymie anłajn.
Raniej ahienctva Bloomberg paviedamiła, što Rasiju na samicie budzie pradstaŭlać ministr zamiežnych spraŭ Siarhiej Łaŭroŭ. Adnak siońnia stała viadoma, što samit G20 projdzie biez udziełu rasijskaj delehacyi. Jak paviedamiła Reuters pres-sakratar ministra pa marskich spravach i inviestycyjach Indaniezii Džodzi Machardzi, Uładzimir Pucin ad udziełu ŭ mierapryjemstvie admoviŭsia, a kiraŭnik MZS Siarhiej Łaŭroŭ dałučycca da adnoj z sustreč pa videasuviazi.
U lipieni na kanfierencyi kiraŭnikoŭ MZS G20 na Bali ministr zamiežnych spraŭ Rasii Siarhiej Łaŭroŭ apynuŭsia ŭ izalacyi i pakinuŭ sustreču raniej za termin.
Raniej ułady Indaniezii zajavili, što nie admieniać zaprašeńnie Rasii na samit, navat kali sutyknucca ź ciskam z boku inšych krain.
Prezident Ukrainy Uładzimir Zialenski zajaviŭ 3 listapada, što admovicca ad udziełu ŭ samicie, kali ŭ im budzie ŭdzielničać Uładzimir Pucin. Adnak 8 listapada ŭ Kijevie ŭsio ž paćvierdzili, što Zialenski prymie ŭdzieł u samicie «u niejkim farmacie» — mahčyma, anłajn.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud25
Kamientary