Pamierła najstarejšaja vučanica ŭ śviecie. Joj było 100 hadoŭ, i jana naviedvała ŭroki fizkultury
U Pryscyły Sicini pačalisia prablemy sa zdaroŭjem paśla naviedvańnia zaniatkaŭ 16 listapada, paviedamlaje Bi-bi-si.
U Kienii pamierła samaja pažyłaja vučanica pačatkovaj škoły ŭ śviecie — 100-hadovaja Pryscyła Sicini. U jaje pačalisia prablemy sa zdaroŭjem paśla naviedvańnia zaniatkaŭ 16 listapada.
«Jana pamierła ŭ prysutnaści niekatorych členaŭ siamji. My ŭdziačnyja joj za 100 hadoŭ jaje žyćcia. Jaje žyćcio było prykładam taho, što ŭ adukacyi niama miežaŭ. Niachaj jaje piaščotnaja duša złučycca ź jaje prodkami i atrymaje viečny spakoj», — skazaŭ syn žančyny.
Pryscyła Sitini vyrasła ŭ Kienii, akupavanaj anhličanami i pieražyła baraćbu svajoj krainy za niezaležnaść.
65 hadoŭ jana pracavała akušerkaj.
Pažyłaja žančyna naviedvała škołu ŭ kienijskim horadzie Ełdaret.
Pryscyła Sicini pajšła vučycca paśla taho, jak u 2003 hodzie ŭrad Kienii pahadziŭsia subsidavać vydatki na pačatkovuju adukacyju dla pažyłych ludziej.
U 2015 hodzie Pryscyła raspaviała BBC, što narešcie navučyłasia čytać i pisać, tamu što ŭ jaje nie było takoj mahčymaści ŭ dziacinstvie.
Pryscyła kazała, što chacieła być prykładam dla inšych, asabliva dla maładych dziaŭčat.
U škole jaje lubimymi pradmietami byli pryrodaznaŭstva, relihijaznaŭstva i matematyka. Uroki fizkultury žančyna taksama naviedvała.
«Ja nie dumaju, što adukacyja maje ŭzrostavyja abmiežavańni», — kazała jana.
Pryscyła syhrała hałoŭnuju rolu ŭ filmie pra siabie pad nazvaj «Gogo».
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary