Skiejt-park Monkey Park adkryŭsia ŭ adnym z byłych vytvorčych budynkaŭ pa vulicy Kurčatava ŭ Hrodnie. Na 700 «kvadratach» raźmiaściłasia prafiesijnaje abstalavańnie dla vykanańnia roznych trukaŭ na skiejtach, rolikach, samakacie abo rovary, piša grodno.news.
«Papularnaść takich vidaŭ sportu raście. Skiejtbordynh, naprykład, užo ŭklučany ŭ prahramu alimpijady. I hrodzienskaja moładź ad trendaŭ nie adstaje. Dumaju, mnohija bačyli, jak padletki ŭ jakaści tramplinaŭ vykarystoŭvajuć roznyja elemienty haradskoj infrastruktury. Heta i niebiaśpiečna dla samich tych, chto katajecca, plus nanosić škodu budynkam. Tamu my i pryniali rašeńnie stvaryć prastoru dla ekstremalnych vidaŭ sportu, dzie možna było b zajmacca z kamfortam i biaśpiečna», — raskazvajuć u skiejt-parku.
Hałoŭny elemient parku — rampa. Taksama ŭstanoŭlenyja hrajnboks, kikiery i inšyja fihury, kolkaść jakich pastajanna pavialičvajecca.
Stvaralniki skiejt-parku adznačajuć, što ničoha padobnaha ŭ Hrodnie raniej nie było. Adzin čas, praŭda, dziejničała placoŭka pad Starym mostam, ale ŭmovy tam byli daloka nie idealnymi.
Usio abstalavańnie siertyfikavanaje Biełaruskaj fiederacyjaj sportu na rolikach i skiejtbordach, tamu ŭ pierśpiektyvie tut mohuć pravodzicca i aficyjnyja spabornictvy.
Ciapier čytajuć
Aryna Sabalenka vyjšła da minčukoŭ u atačeńni vaśmi achoŭnikaŭ VIDEA19
Kamientary