U 2023 hodzie pavysiać padachodny padatak dla niekatorych fizasob. Kaho zakranie
Čynoŭniki chočuć u 2023 hodzie padniać padachodny padatak dla niekatorych fizičnych asob. Pavyšeńnie praduhledžana prajektam źmianieńniaŭ u Padatkovy kodeks, piša «Zierkała».
Dla kaho ź fizičnych asob majuć namier pavysić padachodny padatak
U 2023 hodzie čynoŭniki chočuć padniać padatak na pieravyšeńnie vydatkaŭ nad dachodami — da 26%. Ciapier hety zbor, jaki spahaniajuć z sumy pieravyšeńnia, składaje 20%. Apošnim razam jaho pavyšali z pačatku hetaha hoda, dahetul padatak byŭ na ŭzroŭni 16%.
Z 20% da 26% taksama majuć namier padniać padachodny padatak za zarobki «ŭ kanviertach». Zbor u 26% taksama chočuć zrabić dla tych, chto ŭ śpiecyjalnaj kampjutarnaj kasavaj sistemie zarehistruje dachod ad vyjhryšu (viernutych niezhulanych stavak), kali pry hetym faktyčna vypłaty vyjhryšu nie było. Ciapier hety padatak składaje 20%.
Ź lipienia 2017 hoda padatkaviki mohuć supastaŭlać sumy vydatkaŭ i dachodaŭ fizasoby jak za 10 apošnich poŭnych kalandarnych hadoŭ, tak i za minuły pieryjad hetaha hoda. Pry hetym u ich pavinna być infarmacyja ab pieravyšeńni koštu majomaści i vydatkaŭ nad dachodami, jakija pastupili z zakonnych krynic, na sumu nie mienš za 500 bazavych vieličyń (ciapier heta 16 000 rubloŭ). Tut jość važny momant: takoje pieravyšeńnie moža «nabiehčy» za niekalki hadoŭ ahułam, i heta moža stać padstavaj dla pravierki padatkovaj.
Jakija chočuć padniać padatki dla tych, chto zajmajecca pradprymalnictvam
Padachodny padatak u 26% taksama chočuć uvieści dla fizičnych asob, jakija zajmajucca pradprymalnictvam bieź dziaržrehistracyi abo niezakonnaj dziejnaściu jak IP.
Taksama čynoŭniki majuć namier padniać staŭku padachodnaha padatku ź fizičnych asob u dačynieńni da dachodaŭ, jaki atrymlivajuć IP, nataryusy ad ažyćciaŭleńnia adpaviednaj dziejnaści. Ciapier hety zbor składaje 16%, jaho chočuć pavysić da 20%.
Hetyja mahčymyja padatkovyja źmieny jašče nie pryniatyja. Pry hetym zaćvierdžany kančatkovy varyjant pravak čynoŭnikaŭ u Padatkovy kodeks moža adroźnivacca ad papiarednich viersij pravak u hety dakumient.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary