Staršynia Savieta Respubliki znachodzicca ź vizitam u Maskvie. Tam jana praviała šerah sustreč.
Tak, učora jana sustrełasia sa Staršynioj Savieta Fiederacyi Fiederalnaha schodu Valancinaj Matvijenka.
«Natalla Kačanava i Valancina Matvijenka źvieryli hadzińniki z ulikam mižnarodnaj, palityčnaj i ekanamičnaj abstanoŭki, padviali vyniki zroblenaha, a taksama vyznačyli pryjarytetnyja kirunki supracoŭnictva na budučy hod. U vyniku było padpisana pahadnieńnie ab supracoŭnictvie pamiž Savietam Respubliki Nacyjanalnaha schodu Biełarusi i Savietam Fiederacyi Fiederalnaha schodu Rasii», — paviedamlaje «Źviazda».
Śpikier vierchniaj pałaty biełaruskaha parłamienta padkreśliła, što Biełaruś i Rasija — nie prosta brackija, siabroŭskija krainy, a i stratehičnyja partniory, jakija vybudoŭvajuć svaje ŭzajemadnosiny absalutna pa ŭsich śfierach žyćciadziejnaści: palitycy, ekanomicy, humanitarnaj śfiery. «Niesumnienna, dla nas važnyja mižparłamienckija suviazi i kantakty, — padkreśliła Natalla Kačanava. — Asabliva ŭ ciapierašni čas rola kožnaha parłamientaryja pavinna być bolš važkaj, bo my razam pavinny supraćstajać usim vyklikam, biesprecedentnaj atacy, jakaja siońnia z boku kalektyŭnaha Zachadu nacelena na našy krainy i narody. Hetaha dapuskać nielha, i my pavinny być jak nikoli adzinyja».
Siońnia Natalla Kačanava sustrełasia z kiraŭnikom MZS Rasii Siarhiejem Łaŭrovym.
Ciapier čytajuć
Siarhiej Cichanoŭski pierabraŭsia žyć u Łos-Andželes29
Kamientary