U prahramie «Popularnaja politika» žurnalist-rasśledavalnik Chrysta Hrozieŭ zajaviŭ, što Bellingcat zojmiecca raptoŭnaj śmierciu 64-hadovaha ministra zamiežnych spraŭ Biełarusi Uładzimira Makieja.
Hrozieŭ skazaŭ, što pakul niama abjektyŭnych danych, kab rabić niejkija vysnovy. Adnak analiz situacyi patrabuje padrabiaznaha rasśledavańnia. Pavodle Hrozieva, tut jość «niekalki dziŭnych supadzieńniaŭ».
- Za paru dzion da śmierci Makieja byŭ «nie vielmi zvyčajny źliŭ infarmacyi», što suprać Łukašenki rychtujecca abo zamach, abo sihnał-papiaredžańnie. Placoŭki dla źlivaŭ byli nie «vielmi zrazumiełymi». I mienš čym praz dvoje sutak zdaryłasia śmierć Makieja. «Toje, što zdaryłasia, možna aceńvać jak sihnał suprać Łukašenki».
- Makiej «byŭ pradstaŭnikom partyi miru z Zachadam, čałaviekam, jaki sprabavaŭ trymać adčynienymi dźviery Biełarusi dla razmoŭ z Zachadam».
- «Heta byŭ nie zanadta stary i dakładna nie chvory čałaviek».
Zychodziačy z hetaha, Bellingcat zojmiecca svaim rasśledavańniem śmierci Makieja.
Kamientary