Na Nacyjanalnym pravavym partale źjaviŭsia tekst Zakona «Ab amnistyi ŭ suviazi z Dniom narodnaha adzinstva». Jon nabyŭ moc z momantu jaho apublikavańnia. Što ŭ jaho tekście?
Pad jaho dziejańnie traplajuć:
- niepaŭnaletnija,
- piensijaniery,
- ciažarnyja žančyny,
- adzinokija mužčyny i žančyny, jakija majuć niepaŭnaletnich dziaciej, kali jany ździejśnili złačynstva nie suprać dziciaci,
- invalidy I i II hrupy;
- chvoryja na tubierkuloz i chvoryja na rak ad druhoj kliničnaj hrupy,
- VIČ-infikavanyja z 3-j i 4-j stadyjami zachvorvańnia,
- voiny-internacyjanalisty, a taksama asoby, jakija atrymali ranieńnie ŭ armii ci inšych siłavych strukturach,
- paciarpiełyja ad avaryi na ČAES ci inšych radyjacyjnych avaryj.
Pradstaŭniki pieraličanych vyšej hrup vyzvalajucca ad kryminalnaj adkaznaści i papiaredniaha rasśledavańnia.
Na inšych taksama raspaŭsiudžvajecca amnistyja:
- kali jany asudžanyja z adterminoŭkaj ci ŭmoŭnym nieprymianieńniem pakarańnia abo bieź jaho pryznačeńnia,
- kali jany ździejśnili złačynstvy, jakija nie majuć vialikaj hramadskaj značnaści,
- jakija ździejśnili mienš ciažkija złačynstvy i adsiadzieli čverć terminu,
- jakim pryznačana pakarańnie ŭ vyhladzie aryštu.
Na adzin hod źmienšać pakarańnie «chimikam» i asudžanym da pazbaŭleńnia voli, a taksama vyzvalenym ŭmoŭna-daterminova i tym, kamu kałoniju zamianili na «chimiju» ci «chimiju» — na hramadskija pracy.
Amnistujuć tych, kamu da vyzvaleńnia zastałosia mienš za hod.
Važna: Pad amnistyju nie traplajuć palitviaźni. U tekście zakona pieraličany ceły šerah artykułaŭ «terarystyčnaj i ekstremisckaj skiravanaści», na jakija nie raspaŭsiudžvajecca dziejańnie Zakona.
Taksama Zakon nie zakranie asudžanych pa ciažkich i asabliva ciažkich złačynstvach, a taksama asudžanych na 12 hadoŭ i bolš. A taksama tych, chto na momant padpisańnia zakona nie pakryŭ škodu ci chto źjaŭlajecca złosnym parušalnikam paradku.
Nahadajem, što pa prajekcie zakona płanavali vyzvalić kala 4500 asudžanych, u tym liku ź miescaŭ pazbaŭleńnia voli — 1600, ź ich 10 niepaŭnaletnich, z papraŭčych ustanoŭ adkrytaha typu («chimii») — 500, z kryminalna-vykanaŭčych inśpiekcyj — 2500, a taksama skaracić termin na adzin hod praktyčna 4 tysiačam asudžanych.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud16
Kamientary