Viaskoviec vyciahnuŭ dvuch rybakoŭ z pałonki i navat pieraapranuŭ ich
Zdareńnie adbyłosia dniami ŭ Ivacevickim rajonie.
Žychary Ivacevičaŭ — 59-hadovy baćka i jaho 34-hadovy syn — rybačyli na voziery Žuraviec. Jany praśvidravali lod, ale klovu nie było.
Tady mužčyny vyrašyli znajści inšaje miesca, ale, kali prajšli niekalki mietraŭ, nie vykonvajučy dystancyi, lod prałamaŭsia — i abodva rybaki apynulisia ŭ vadzie.
Pačuŭšy kryki ab dapamozie, viaskoviec z Abrova źniaŭ ź siabie ciełahrejku, adrezaŭ viaroŭku ad sanak i aściarožna papoŭz da pałonki. Z dapamohaj viaroŭki mužčyna i vyratavaŭ rybakoŭ. Jon pieraapranuŭ ich u suchoje adzieńnie i adpraviŭ dadomu, a tolki potym jany paviedamili pra zdareńnie ŭ MNS.
Jak akazałasia, taŭščynia lodu ŭ tym miescy była ŭsiaho 2—3 sm, a tam, dzie rybačyli astatnija, — kala 6 santymietraŭ.
— Akramia taho, što była parušanaja zabarona miascovych orhanaŭ ułady ab vychadzie na lod, u amataraŭ ekstremalnaj rybałki nie było z saboj nie toje što vyratavalnych kamizelek, ale navat elemientarnych srodkaŭ vyratavańnia, — raspaviała Alina Matarnickaja, staršynia Ivacevickaj arhanizacyi Asvoda.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud29
Kamientary