Imavierny aŭtar nieviadomaha šedeŭra — Rafael. Heta dakazała technałohija raspaznavańnia tvaraŭ
Novaja technałohija raspaznańnia tvaraŭ vyjaviła, što karcina, nakont aŭtara jakoj spračajucca ŭžo niekalki dziesiacihodździaŭ, ź vialikaj imaviernaściu — šedeŭr Rafaela, paviedamlaje Bi-bi-si.
Kamanda navukoŭcaŭ z Notynhiemskaha i Bredfardskaha ŭniviersitetaŭ vykarystała admysłova stvoranuju technałohiju dla vyvučeńnia karciny, viadomaj jak «tonda de Bresi» (tonda — termin časoŭ Reniesansu ŭ dačynieńni da tvoraŭ mastactva, źmieščanych u koła, — karcin abo skulptur).
Daśledčyki paraŭnali tvor mastactva, jaki niekatoryja ekśpierty ličyli kopijaj viktaryjanskaj epochi, z ałtarnym šedeŭram Rafaela «Sikścinskaja Madonna».
Było vyjaŭlena, što padabienstva pamiž madonnami składaje 97%, a paraŭnańnie dziciaci na dźviuch rabotach pakazała padabienstva 86%. Pry hetym supadzieńnie vyšejšaje za 75% ličycca identyčnym.
Sistemu štučnaha intelektu, jakaja raspaznaje tvary ludziej, raspracavaŭ prafiesar vizualnych vyličeńniaŭ Bredfardskaha ŭniviersiteta Chasan Uhiejł. Daśledčyk adznačaje: «Kali my hladzim na tvary čałaviečym vokam, zaŭvažajem vidavočnaje padabienstva, ale kampjutar bačyć značna bolš detalova, čym my, u tysiačach vymiareńniaŭ, na ŭzroŭni piksielaŭ».
Na asnovie apošniaha, a taksama raniejšych daśledavańniaŭ navukoŭcy pryjšli da vysnovy, što dla abiedźviuch karcin vykarystoŭvalisia identyčnyja madeli, i, niesumnienna, jany naležać adnamu i tamu ž mastaku.
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary