U Nikarahua biskupa asudzili na 26 hadoŭ. Jon admoviŭsia być departavanym z krainy
Sud Nikarahua asudziŭ katalickaha biskupa Matahalpy Rałanda Alvaresa da 26 hadoŭ pazbaŭleńnia voli na nastupny dzień paśla taho, jak toj admoviŭsia sieści na bort samalota, jaki pieravoziŭ 222 palityčnych źniavolenych u vyhnańnie ŭ ZŠA.
Sud pryznaŭ 56-hadovaha ijerarcha «zdradnikam krainy» i pastanaviŭ, što jon nie budzie vyzvaleny z turmy da 2049 hoda. Biskup byŭ pazbaŭleny nikarahuanskaha hramadzianstva i aštrafavany na 1600 dalaraŭ, paviedamiła Biełaruskaja redakcyja partała Vatican News.
Palicyja aryštavała biskupa Alvaresa ŭ žniŭni 2022 hoda. Sudy abvinavacili jaho ŭ «zmovie» i raspaŭsiudzie «falšyvych źviestak».
Ijerarch adkryta krytykavaŭ toje, što ličyŭ abmiežavańniem relihijnaj svabody z boku levaha režymu Arteha.
Adnosiny pamiž Katalickim Kaściołam i ŭładami Nikarahua znachodziacca ŭ kryzisie z 2018 hoda, kali pratestoŭcy, jakija patrabavali adstaŭki prezidenta, schavalisia ŭ śviatyniach. Tady Arteha abvinavaciŭ katolikaŭ u saŭdziele ŭ sprobie dziaržaŭnaha pieravarotu, nibyta inicyjavanaha Vašynhtonam. Ułady vysłali z krainy Apostalskaha nuncyja arcybiskupa Valdemara Zomiertaha, a ŭ lipieni — 18 siaścior z Ordena misijanierak lubovi.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary