Vahnieraŭca, jaki ŭciok u Narviehiju i paprasiŭ tam prytułku, aryštavali za napad na palicejskich
Były kamandzir PVK «Vahnier» Andrej Miadźviedzieŭ, jaki paprasiŭ prytułku ŭ Narviehii, byŭ aryštavany za bojku kala bara ŭ centry Osła i hvałt u dačynieńni da palicejskich pry zatrymańni. Pra heta havorycca ŭ sudovaj pastanovie, jakuju zdabyła «Novaja hazieta Jeŭropa».
22 lutaha, kala 3:20 nočy, Miadźviedzieŭ udzielničaŭ u bojcy niepadalok ad adnaho z baraŭ u centry Osła, paśla čaho supraciŭlaŭsia zatrymańniu i nanios udary palicejskim, skazana ŭ dakumiencie.
U siaredzinie studzienia Miadźviedzieŭ pierasiok miažu z Narviehijaj, dzie paprasiŭ prytułku.
U śniežni Miadźviedzieŭ u intervju The Insider raskazvaŭ, što jamu viadoma pra dziesiać vypadkaŭ, kali vahnieraŭcy pakarali śmierciu svaich najmitaŭ, jakija admovilisia ŭdzielničać u bajavych dziejańniach. Pavodle jaho, na niekalkich rasstrełach jon prysutničaŭ asabista. Były źniavoleny, a paśla «vahnieraviec» Jaŭhien Nužyn, jakoha zabili kuvałdaj, źniaŭšy heta na videa, taksama słužyŭ u padraździaleńni Miadźviedzieva.
Paśla źjaŭleńnia Miadźviedzieva ŭ Narviehii spačatku jaho chacieli departavać, ale paśla vyrašyli heta nie rabić.
Čytajcie taksama:
Były vahnieraviec paprasiŭ prabačeńnia va ŭkraincaŭ
Palicyja Narviehii nie budzie departavać u Rasiju byłoha vahnieraŭca Miadźviedzieva
Byłoha «vahnieraŭca», jaki prasiŭ prytułku ŭ Narviehii, chočuć departavać
Były kamandzir PVK «Vahnier» uciok z Rasii i prosić palityčny prytułak u Narviehii
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Kamientary