Siarod biełaruskich staršakłaśnikaŭ pravodziać ankietavańnie. U liku pytańniaŭ: ci źbirajucca jany zjechać za miažu i čamu nie žadajuć słužyć? Čytač «Salidarnaści» dasłaŭ u redakcyju ankietu, jakuju ŭ škole daručyli zapoŭnić jaho synu — 11-kłaśniku.
Aŭtary ankiety chočuć daviedacca, što padletki ŭkładajuć u słova «Radzima», a druhim punktam zapytvajuć: «Chacieli b vy vyjechać ź Biełarusi?». Pamiž varyjantaŭ jość i nie patryjatyčny «Chaciełasia b vyjechać z krainy nazaŭždy».
Aŭtary ankiety prapanujuć dzieciam parazvažać «Ci zdolnaje naša vojska abaranić krainu?», a taksama naŭprost pytajucca: «Ci hatovyja vy, kali spatrebicca, abaraniać svaju radzimu sa zbrojaj u rukach?»
Šmat pytańniaŭ u ankiecie tyčycca niepasredna biełaruskaj armii. U školnikaŭ sprabujuć vyśvietlić staŭleńnie da jaje ŭ cełym, a taksama toje, čamu jany nie žadajuć słužyć. Siarod varyjantaŭ adkazaŭ jość navat «muštra i dziedaŭščyna».
Školnika prosiać «acanić toj fakt, što niekatoryja maładyja ludzi imknucca paźbiehnuć pryzyvu ŭ vojska padmannym šlacham».
Jość i vielmi dziŭnyja punkty. «Historyi Vialikaj Ajčynnaj vajny viadomyja vypadki vyratavańnia bajavoha ściaha koštam ułasnaha žyćcia. Jak vy aceńvajecie siońnia padobny ŭčynak?» — pytajuć aŭtary ankiety.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
- admoviŭsia adkazvać - ra3streł
- adkazaŭ niapravilna - ra3streł
- adkazaŭ pravilna - na front - ra3streł