«Za paŭhadziny ź viodrami pryjšło paŭsotni čałaviek». Častka Barysava siońnia praz avaryju zastałasia biez vady
Siońnia kala 6-j ranicy ŭ staroj častcy Barysava na trubapravodzie adbyłasia avaryja. Žychary hetaha mikrarajona i častka novaha zastalisia bieź pitnoj vady, piša «Minskaja praŭda».
— Maja siastra žyvie ŭ susiednim domie. Kazała, što ranicaj adpraviła dačku ŭ kramu pa vadu, dyk u bližejšych užo ŭsio razabrali, — dzielicca žycharka hetaha rajona.
Jak raskazali ŭ «Barysaŭvadakanale», śpiecyjalisty apieratyŭna pačali ramont mahistralnaha trubapravoda.
— U ciapierašni čas avaryja łakalizavanaja, — kaža ideołah pradpryjemstva Ludmiła Mielničuk.
Ale, pavodle jaje, «mahčymaje časovaje paharšeńnie jakaści pitnoj vady».
Śpiecyjalisty dziaržaŭnaha pradpryjemstva «Barysaŭvodakanał» arhanizavali pa zajaŭkach padvoz pitnoj vady ŭ aŭtacysternach na sacyjalna značnyja abjekty i ludziam.
— Vada idzie, ale jaje niemahčyma pić. Usia iržavaja. Tamu i staim u čarzie, čakajem druhuju mašynu z vadoj. Abiacali padvieźci. Užo paŭhadziny staim, — narakaje mužčyna.
U «Barysaŭvodakanale» dadali, što dyśpietčarskaja słužba budzie kruhłasutačna prymać zajaŭki pa pytańniach jakaści pitnoj vady. Pa vynikach ich razhladu prymuć rašeńnie ab praviadzieńni pazapłanavych pramyvak vodapravodnaj sietki i arhanizacyi padvozie vady narmatyŭnaj jakaści.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik46
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu99
Kamientary