Adzin z najbujniejšych bankaŭ Indyi dałučyŭsia da sankcyj suprać rasijskaj nafty
U rasijskich naftavikoŭ uźnikli novyja składanaści z prodažam nafty ŭ Indyju, jakaja paśla pačatku vajny i ŭviadzieńnia zachodnich sankcyj stała najbujniejšym rynkam zbytu dla Rasii. Bank of Baroda, druhi pa pamiery aktyvaŭ indyjski dziaržbank, z krasavika błakuje płaciažy za naftu z Rasii, kali jaje cana pieravyšaje ŭstanoŭlenuju krainami G7 «stol», paviedamlaje Reuters sa spasyłkaj na try krynicy, znajomyja ź situacyjaj.
Pa słovach krynic Reuters, niekatoryja indyjskija NPZ vykarystoŭvali hety bank, kab kuplać rasijskuju syravinu praz Abjadnanyja Arabskija Emiraty z apłataj u dyrchiemach. Šerah ździełak prachodziŭ pa cenach vyšej za 60 dalaraŭ, ale ciapier z hetaj praktykaj budzie skončana.
«Bank Of Baroda vielmi aściarožny z płaciažami vyšej cenavaj stoli. Jany skazali nam, što nie buduć pravodzić płaciažy», — raspaviadaje adzin z surazmoŭcaŭ ahienctva.
Naraściŭšy zakupki ŭ Rasii amal u 400 razoŭ, Indyja zastajecca absalutnym lidaram pa imparcie marskich partyj Urals: u sakaviku na jaje prypała 70% miesiačnaha płana adhruzki. Kitaj, pavodle acenak Reuters, kuplaje značna mienš — kala 8%. Turcyja znachodzicca na trecim miescy z dolaj 7%. Čaćviortym pa vieličyni pakupnikom z dolaj 5% źjaŭlajecca Bałharyja — adzinaja jeŭrapiejskaja kraina, jakoj dazvolena kuplać marskuju rasijskuju naftu paśla embarha ES.
Bolš za 15 miljardaŭ dalaraŭ. Rasijski naftahazavy hrant Łukašenku ŭ hod napadu na Ukrainu byŭ rekordnym u historyi
Rasijskaja ekanomika pačała rassypacca — Wall Street Journal
Kazachstan upieršyniu adpraviŭ naftu šlacham, alternatyŭnym Rasii, praz Kaśpijskaje mora
Naftahazavyja dachody Rasii ŭ lutym skaracilisia na 48% paśla skaračeńnia na 38% u studzieni
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
Aj da harna navina.