Rasijski aktyvist Vital Baradzin źviarnuŭsia da hienprakurora RF Ihara Krasnova z prośbaj raspačać u dačynieńni da aktrysy Lii Achiedžakavaj spravu pavodle niekalkich artykułaŭ Kryminalnaha kodeksa. Tekst zvarotu raspaŭsiudziŭ telehram-kanał «Krovavaja barynia».
Baradzin zajaviŭ, što Achiedžakava krytykuje «pryniatyja dziaržaŭnymi orhanami i prezidentam RF pastanovy i palityku ŭ dačynieńni da śpiecyjalnaj vajskovaj apieracyi, jakaja pravodzicca RF va Ukrainie» i nibyta finansuje USU (sama Achiedžakava heta admaŭlała).
Aŭtar danosu paprasiŭ raspačać u dačynieńni da Lii Achiedžakavaj kryminalnuju spravu pavodle artykułaŭ ab dziaržaŭnaj zdradzie, «dyskredytacyi» armii RF i raspalvańni nianaviści albo varožaści. Taksama jon zaklikaŭ abviaścić artystku «zamiežnym ahientam» i pazbavić jaje dziaržaŭnych uznaharod i zvańniaŭ.
Paśla poŭnamaštabnaha rasijskaha ŭvarvańnia va Ukrainu Lija Achiedžakava nieadnarazova vystupała za spynieńnie vajny i zaklikała ludziej nie maŭčać pra svaju antyvajennuju pazicyju.
Na pačatku lutaha teatr «Sučaśnik» u Maskvie pazbaviŭ Liju Achiedžakavu apošniaj roli z-za «hnieŭnych listoŭ» u jaje adras, paśla čaho artystka zvolniłasia adtul.
Režysior Kirył Siarebranikaŭ pravioŭ akcyju padtrymki «Listy dla Lii». Prychilniki napisali Achiedžakavaj 15 tysiač listoŭ.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie2
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5050
Kamientary