Google daje svajmu ŠI mahčymaść stvarać i adładžvać kod
Zdajecca, nadychodziać cikavyja časy dla prahramistaŭ. Kadavańnie było samym papularnym zapytam karystalnikaŭ — i ciapier čat-bot Bard maje šyrokija mahčymaści pa dapamozie ŭ prahramavańni.
Čat-bot ad Google pad nazvaj Bard — hienieratyŭny ŠI, jaki supierničaje z Bing AI ad Microsoft i, kaniešnie, ChatGPT — ciapier moža dapamahčy vam u prahramavańni. Technałahičny hihant skazaŭ, što kadavańnie było adnym z hałoŭnych zapytaŭ karystalnikaŭ, i ciapier kampanija daje Bard mahčymaść stvarać, adładžvać i tłumačyć kod.
Bard moža pisać na 20 movach prahramavańnia, uklučajučy papularnyja C++, Java, JavaScript i Python. ŠI taksama maje intehracyju ź inšymi praduktami Google i moža ekspartavać kod u Colab — vobłačnaje asiarodździe kampanii śpiecyjalna dla Python, a taksama dapamahaje karystalnikam pisać funkcyi dla tablic u Sheets.
Akramia mahčymaści hienieravać kod, Bard ciapier moža davać tłumačeńni dla frahmientaŭ koda. Heta moža być asabliva karysna, kali vy tolki pačali vyvučać prahramavańnie, tamu što bot pakaža vam, čamu kankretny błok maje taki vynik. I da ŭsiaho hetaha Bard moža jašče i dapamahčy vam adładzić kod, jaki pracuje nie tak, jak vy chočacie.
Google dapuskaje, što na dadzieny momant Bard moža vydać niapoŭny kod albo kod, jaki «nie daje čakanaha vyniku». Technałahičny hihant raić spačatku pierapraviarać adkazy ŠI. Adnak uličvajučy, što Bard moža adładžvać ułasny vyvad, kali vy vyjavicie pamyłku, to možna vykazać zdahadku, što z časam bot budzie vydavać usio bolš nadziejnyja vyniki.
Kali karystalnik znachodzić pamyłku, jon moža prosta ŭvieści This code didn't work, please fix it («Hety kod nie spracavaŭ, kali łaska, vypraŭ»). Vy možacie taksama paprasić čat-bota aptymizavać vaš kod, zrabiŭšy jaho bolš chutkim abo efiektyŭnym.
Google adkryŭ dostup da svajho čat-bota ŭ sakaviku, kab peŭna skłaści kankurencyju hienieratyŭnym ŠI ad inšych kampanij. Tak, Engaget adznačaje, što ChatGPT taksama maje mahčymaść pisać i ŭdaskanalvać isnujučy kod na niekalkich movach prahramavańnia, tamu nadańnie hetaj mahčymaści čat-botu Bard było, vidać, niepaźbiežnym. Google taksama pastajanna ŭdaskanalvaŭ Bard roznymi sposabami i raniej vypuskaŭ madernizacyi na asnovie novaj moŭnaj madeli pad nazvaj PaLM. Niekalki dzion tamu kampanija stvaryła staronku «Ekśpierymientalnyja abnaŭleńni», dzie kožny achvočy moža ŭbačyć usie źmieny, praź jakija prajšoŭ Bard.
Čytajcie taksama:
Štučny intelekt: jak Google płanuje pierachapić lidarstva ŭ hetaj halinie
Novaja mabilnaja prahrama ad Google dazvolić vam lohka pieradavać fajły pamiž PK i Android
Pieršaja kraina śvietu ŭviała zabaronu na vykarystańnie niejrasietki ChatGPT
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Kamientary
Radovaťsia etomu nie sovietovał by, rabočich i vračiej zamieniat roboty. Siehodnia niet, a vskorie da.