Roźnica — amal u dva razy. Jak u Minsku pracujuć kramy z tavarami IKEA i jakija tam ceny
Niadaŭna ŭ «Jeŭraopcie» na Mantažnikaŭ pačali pradavać tavary IKEA. Realt pahladzieŭ, dzie jašče ŭ Minsku možna znajści pradukcyju hetaha vytvorcy. Jość niekalki varyjantaŭ, dzie jana jość u najaŭnaści. Jakija tam ceny i na kolki daražej, čym u IKEA ŭ Vilni?
KEA Home, HZC Palazzo
KEA Home — samaja novaja krama z padborki. Jana adčyniłasia ŭ HZC Palazzo ŭ kancy minułaha hoda. Tut jość tavary dla kuchni, posud, paścielnaja bializna, cacki i inšyja drobiazi. U siarednim, ceny tut vyšejšyja, čym u inšych kramach. Naprykład, nastolnaja lampa Forsa, jakaja ŭ inšaj kramie kaštuje 80 rubloŭ, tut pradajecca za 150. U IKEA jana abyjdziecca ŭ 20 jeŭra (kala 65 rubloŭ).
Nabor stałovych pryboraŭ možna kupić pa košcie ad 100 da 146 rubloŭ, Šklany hrafin — za 40 (u «Mistar Dom» jon kaštuje 25, a ŭ IKEA 6 jeŭra, abo kala 20 rubloŭ), termas — za 35 (u «Mistar Dom» — 26, u IKEA 5 jeŭra, abo kala 16 rubloŭ).
Papularnyja šampanki, jakija ŭžo niekalki miesiacaŭ milhajuć u Instagram, pradajucca ŭ KEA Home za 90 rubloŭ (15 jeŭra ci krychu mienš za 50 rubloŭ u IKEA). Nabor z čatyroch kuchonnych ručnikoŭ kaštuje 22 rubli. Survetka pad prybory — 30 rubloŭ. Mietaličny košyk — 42 rubli, košyk z vodaraściaŭ — 55. Nabor z troch instahramnych padśviečnikaŭ abydziecca ŭ 60 rubloŭ (u IKEA — 10 jeŭra, kala 32 rubloŭ).
U KEA Home jość niekalki pazicyj ź niebujnoj mebli. Naprykład, stoł-padstaŭku dla noŭtbuka tut možna kupić za 180 rubloŭ, a stoł-padnos — za 110.
Swed House, TRC Diamond City
Krama Swed House pracuje ŭ Diamond City. Chutka pavinna źjavicca jašče adzin punkt sietki — na «Ekspabiele», ciapier tam visić raściažka ab chutkim adkryćci i pošuku pradaŭcoŭ. Niadaŭna mahazin adkryŭsia i ŭ Rasii. Akramia tavaraŭ, jakija pryvieźli z IKEA, tut jość i anałahi, jakija vizualna nijak nie adroźnivajucca. Heta tavary z tych fabryk, jakija raniej pracavali dla IKEA. Siarod takich — kresła «Tojva Skiftebo» aranžavaha koleru — anałah ikiejeŭskaha Strandmon. Jano pradajecca za 483 rubli. U Litvie aryhinał abydziecca ŭ 209 jeŭra (u pieravodzie na rubli vyjdzie kala 660). Kamoda «Kantry» čornaha koleru kaštuje 639 rubloŭ, anałah viadomaj kalekcyi Hemnes za 279 jeŭra (kala 900 rubloŭ).
U Swed House pradstaŭlena dosyć šmat bujnahabarytnaj mebli — łožki i kanapy, stały i kresły, šafy i stełažy. Usio heta vystaŭlena ŭ handlovym centry pobač z kramaj.
U samoj kramie pradajucca kuchonnyja drobiazi, posud, aksiesuary dla vanny, cacki, dyvany, paścielnaja bializna. Bakały dla šampanskaha kaštujuć tut 93 rubli, heta krychu daražej, čym u KEA Home. Draŭlany padnos Snudda abydziecca ŭ 49 rubloŭ. U asnoŭnym ceny tut nižej, čym u KEA Home.
«Mister Dom», HZC «Civali»
Raniej u «Civali» byŭ zusim nievialiki mahazin tavaraŭ z IKEA, ale paru miesiacaŭ tamu jon pašyryŭsia. Ciapier tut pradajucca nie tolki drobiazi, jość nievialikaja mebla i pradmiety interjeru — taršery, stoliki, kresły. Heta samy tanny mahazin z troch.
Nastolnuju lampu možna kupić za 20 rubloŭ. Maleńki časopisny stolik kaštuje 40, vialiki — 50, prastakutny — 120. Sierviravalny stoł Gladom — 100 rubloŭ, heta tańniej na 10 rubloŭ, čym u KEA Home. Zedlik-leśvica na dźvie prystupki kaštuje 60 rubloŭ.
Dyk dzie kuplać?
Vyhadniej za ŭsio rabić pakupki ŭ «Mister Dom» u HZC «Civali». Na niekatoryja tavary ceny tut nižejšyja amal u dva razy, čym u KEA Home ŭ Palazzo. Dla tych, chto šukaje meblu, najlepšym varyjantam budzie Swed House ŭ Diamond City. Pa-pieršaje, tut samy šyroki asartymient mebli. A pa-druhoje, jaje možna kupić navat tańniej, čym u IKEA, kali abrać anałahi. U KEAHome varta iści pa kankretnyja tavary, na źnižkach jany mohuć być tańniejšyja, čym u inšych kramach.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary