Biełarusy stali jeści bolš morapraduktaŭ i pić mieniej šampanskaha
Bolš za ŭsio ŭ pačatku 2023 hoda ŭ Biełarusi vyraśli prodažy morapraduktaŭ. Rost amal na 30% zafiksavany pa pazicyi «rakapadobnyja, maluski i ikranyja vyraby», piša Office Life sa spasyłkaj na Biełstat.
Ikry, maluskaŭ i rakapadobnych my stali jeści značna bolš: kali ŭ studzieni — sakaviku 2022 hoda ŭ Biełarusi pradali amal 1242 tony takoj pradukcyi, to ŭ I kvartale hetaha hoda ŭžo 1608,5 tony. Prodažy vyraśli amal na 30%. Charakterna, što razam z tym bolš čym na 7% upaŭ prodaž ryby.
Taksama biełarusy stali kuplać krychu bolš, čym hodam raniej, miasnych subpraduktaŭ, syroŭ, śviežych ahurkoŭ i biełakačannaj kapusty, a taksama jajek.
Zatoje na tracinu źnizilisia prodažy cukru — minus 33% da taho ž pieryjadu 2022 hoda. Mahčyma, heta źviazana z tym, što letaś u sakaviku na ŭnutranym rynku byŭ pavyšany popyt na cukar, a taksama ź jaho rekordnym padaražeńniem za apošni hod.
Biełarusy stali jeści mienš miasa (asabliva jałavičyny), radziej kuplali miasnyja kansiervy i śviežyja jabłyki (prodažy ŭpali amal na tracinu), mienšym popytam karystalisia krupy — hrečka i rys (-28,9% i -24,5% adpaviedna), muka (-25,1%), alej (-23,6%), makarony (-17,3%), soki (-12%), bulba (-10,4%).
U 2023 hodzie biełarusy čaściej pjuć likiory i likiora-harełačnyja vyraby (ich prodažy vyraśli bolš čym na 20%), słabaałkaholnyja napoi, kańjak i brendzi.
Pry hetym ludzi stali radziej kuplać vino (jak vinahradnaje, tak i pładovaje), harełku, pienistyja napoi i piva.
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club3
Kamientary