Spašukalnik vučonaj stupieni budzie pazbaŭlacca na piać hadoŭ prava abarony novaj dysiertacyi nie tolki ŭ vypadku vyjaŭleńnia płahijatu, ale i pry vyjaŭleńni falsifikacyi abo padłohu ŭ lubych pradstaŭlenych materyjałach.
Jak paviedamiła pres-słužba prezidenta, takoje pałažeńnie praduhledžana va ŭkazie № 556 ad 17 listapada, jaki ŭnios źmieny i dapaŭnieńni ŭ pałažeńnie ab prysudžeńni vučonych stupieniaŭ i prysvajeńni vučonych zvańniaŭ u Biełarusi.
Dakumientam vyznačany šerah mier, nakiravanych na pavyšeńnie jakaści ekśpiertyzy dysiertacyj na pačatkovych etapach ich razhladu.
Praduhledžany pracedury, nakiravanyja na zabieśpiačeńnie abarony intaresaŭ spašukalnikaŭ i abjektyŭnaści pry pryniaćci admoŭnych rašeńniaŭ u saviecie pa abaronie dysiertacyj. Spašukalniki vučonych stupieniaŭ nabyli prava vykarystoŭvać u kandydackich dysiertacyjach materyjały ich mahisterskich rabot.
Akramia taho, va ŭkazie dyfierencyjavanyja patrabavańni da spašukalnikaŭ vučonaha zvańnia dacenta z ulikam taho, pracujuć jany ŭ VNU abo ŭ navukovych arhanizacyjach,
a taksama praduhledžana pryraŭnoŭvańnie zvańnia staršaha navukovaha supracoŭnika da zvańnia dacenta z vydačaj adpaviednaha atestata.
U metach ekanomii biudžetnych srodkaŭ abaviazkovaje apublikavańnie ŭ haziecie abjavy ab abaronie dysiertacyi zamieniena na raźmiaščeńnie takoj abjavy na aficyjnym sajcie VAK.
«Realizacyja ŭkaza zabiaśpiečyć udaskanaleńnie pravavoha rehulavańnia ŭ śfiery atestacyi navukovych i navukova-piedahahičnych rabotnikaŭ vyšejšaj kvalifikacyi», — havorycca ŭ paviedamleńni pres-słužby.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli6
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary