Tramp patłumačyŭ, jak choča prymusić Zialenskaha i Pucina zaklučyć mirnaje pahadnieńnie
Pretendent na miesca kandydata ŭ prezidenty ZŠA ad Respublikanskaj partyi, eks-prezident krainy Donald Tramp patłumačyŭ u intervju telekanału Fox News, jak u vypadku svajoj pieramohi na vybarach choča prymusić prezidentaŭ Ukrainy i Rasii zaklučyć mirnaje pahadnieńnie.
«Ja vielmi dobra viedaju Zialenskaha, i ja vielmi dobra viedaju Pucina, navat lepš. I ŭ mianie byli dobryja adnosiny, vielmi dobryja ź imi abodvuma. Ja b skazaŭ Zialenskamu: «Chopić. Vy pavinny zaklučyć pahadnieńnie». Ja b skazaŭ Pucinu: «Kali vy nie zaklučycie pahadnieńnie, my damo jamu [Ukrainie — Red.] vielmi šmat. Bolš, čym jany kali-niebudź atrymlivali, kali daviadziecca». Ja zakluču pahadnieńnie za adzin dzień. Za adzin dzień», — zajaviŭ Tramp.
Jašče 26 sakavika 2023 hoda Donald Tramp paabiacaŭ svaim vybarščykam zaviaršyć vajnu va Ukrainie za 24 hadziny paśla svajho abrańnia na druhi prezidencki termin. Paźniej jon taksama paŭtaryŭ hety tezis.
Treciaha červienia Zialenski adznačyŭ, što «nie zrazumieŭ» słovy Trampa pra toje, što jon by zaviaršyŭ poŭnamaštabnuju vajnu za adny sutki, pasadziŭšy Kijeŭ i Maskvu za stoł pieramovaŭ.
9 lipienia Zialenski zajaviŭ, što prezident ZŠA Džo Bajden moh by skončyć vajnu va Ukrainie i za 5 chvilin, kali b havorka išła ab zdačy ŭkrainskich terytoryj, ale Ukraina b nie pahadziłasia na heta.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY10
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary