U Jeŭraparłamiencie prosiać sud u Haazie vydać ordar na aryšt Łukašenki
Deputaty zajavili, što Biełaruś niasie adkaznaść za škodu, pryčynienuju Ukrainie ŭ suviazi z vajnoj, i złačynstvy, učynienyja va Ukrainie, u tym liku praz rolu biełaruskaha režymu ŭ niezakonnym vyvazie dziaciej.
U Jeŭraparłamiencie zaklikali Mižnarodny kryminalny sud razhledzieć mahčymaść vydačy ordara na aryšt Alaksandra Łukašenki. Heta zroblena pa vynikach dakłada ab adnosinach ES ź Biełaruśsiu, piša «Jeŭrapiejskaja praŭda».
Deputaty zajavili, što Biełaruś niasie adkaznaść za škodu, pryčynienuju Ukrainie ŭ suviazi z vajnoj, i złačynstvy, učynienyja va Ukrainie, u tym liku praz rolu biełaruskaha režymu ŭ niezakonnym vyvazie dziaciej.
Dakład zaklikaje instytuty ES i dziaržavy-členy pryniać usie nieabchodnyja miery na mižnarodnym uzroŭni, kab zrabić mahčymym kryminalny pieraśled biełaruskich palityčnych i vajskovych lidaraŭ, adkaznych za złačynstvy suprać čałaviečnaści i hienacyd.
Deputaty adznačajuć: tak jak Mižnarodny kryminalny sud užo vydaŭ ordary na aryšt prezidenta Rasii Uładzimira Pucina i ŭpaŭnavažanaha pa pravach dziciaci Maryi Lvovaj-Białovaj, to sudu varta razhledzieć mahčymaść vydačy anałahičnaha ordara na aryšt Łukašenki.
Jeŭraparłamientaryi miarkujuć, što Rada ES taksama pavinna pašyryć śpis biełaruskich i rasijskich asob, na jakich raspaŭsiudžvajucca sankcyi ES, kab abmiežavańni raspaŭsiudžvalisia na tych, chto maje dačynieńnie da prymusovaj departacyi ŭkrainskich dziaciej.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
Čto,kołchoźnik,incyresna stanovitsia,nie tak li?
užie i riabčik v horło podi nie leziet?
Zamučiennoho toboj Puškina po nočam jeŝio nie vidiš?
Vsie vpieriedi...