«Abmierkavańni realnyja». Polšča, Litva, Łatvija mohuć supolna zakryć miažu ź Biełaruśsiu
«Mahčymaść zakryćcia miažy isnuje. Pytańnie, jak daloka pojdzie biełaruski režym, biezumoŭna, uzhadniŭšy z rasijskim režymam. Jakija paŭnamoctvy buduć dadzieny «Vahnieru», — skazaŭ namieśnik ministra ŭnutranych spraŭ Litvy Arnoldas Abramavičus.
U vypadku ŭźniknieńnia pravakacyj na miažy ź Biełaruśsiu, Litva, Polšča i Łatvija mohuć pryniać supolnuju pastanovu ab zakryćci miažy, zajaviŭ namieśnik ministra ŭnutranych spraŭ Litvy Arnoldas Abramavičus, piša Delfi.
«Abmierkavańni realnyja», — zajaviŭ u piatnicu žurnalistam Abramavičus, kamientujučy ŭčorašniuju zajavu ministra ŭnutranych spraŭ Polščy Maryjuša Kaminskaha. Na hetym tydni na pytańnie ab tym, ci razhladajecca rašeńnie pra zakryćcio punktaŭ propusku ź Biełaruśsiu, kiraŭnik MUS Polščy adkazaŭ, što takaja mahčymaść budzie ŭzhodnienaja ź Litvoj i Łatvijaj.
Na ŭschodniaj miažy NATO Polšča sutykajecca z davoli vialikim napłyvam nielehalnych mihrantaŭ, arhanizavanym biełaruskim režymam. Vyklikaje tryvohu i pierakidka bajcoŭ rasijskaj PVK «Vahnier» u Biełaruś.
«Što tyčycca zajavaŭ Łukašenki pra toje, što jany «prahulajucca» ŭ Polšču, maŭlaŭ, jany prahulajucca sa zbrojaj, zapałochajuć usich i viernucca… Hetym Polšču nie napałochaješ. Jak vajennaja siła, jany nie ŭjaŭlajuć surjoznaj pahrozy dla Respubliki Polšča», — razvažaje vice-ministr. Ź inšaha boku, praciahnuŭ jon, nielha vyklučać vierahodnaść roznych pravakacyj na miažy ź Biełaruśsiu.
«Heta mohuć być niejkija hrupoŭki, jakija pierakidvajucca ŭ vyhladzie ŭciekačoŭ abo nielehalnych mihrantaŭ, z metaj vyklikać niejkija kropkavyja biesparadki. U takim vypadku dziaržavy, jakija ŭžo znachodziacca pad ciskam nielehalnaj mihracyi, zapuściać hetuju mahčymaść supracoŭnictva», — rastłumačyŭ A. Abramavičus, adznačyŭšy, što ŭ hetym płanie isnuje mahčymaść zakryćcia miažy.
«Mahčymaść zakryćcia miažy isnuje. Pytańnie, jak daloka pojdzie biełaruski režym, biezumoŭna, uzhadniŭšy z rasijskim režymam. Jakija paŭnamoctvy buduć dadzieny «Vahnieru», — skazaŭ na zakančeńnie namieśnik ministra.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami11
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4747
Kamientary