Minenierha abviarhaje infarmacyju pra «masavyja defiekty» na BiełAES
U Ministerstvie enierhietyki vystupili z abviaržeńniem infarmacyi ab nibyta «masavych defiektach» na BiełAES. Pa śćviardžeńni viedamstva, źviestki niapravilna interpretavali. Raniej u siecivie źjavilisia tablicy ź pieralikam nieadpaviednaściaŭ i likvidacyjaj zaŭvah.
«Na prykładzienym malunku vidać, što ŭsiaho ŭ śpisie 16 939 defiektaŭ — heta ahulnaja kolkaść vyjaŭlenych defiektaŭ u 2021-2023 hadach», — kamientavali aŭtary resursu. Śćviardžałasia, što na pačatak hetaha hoda ŭ druhim błoku BiełAES jašče było «amal 4000 defiektaŭ».
U Minenierha zajavili, što ŭ tablicach pradstaŭlenyja «tydniova-sutačnyja zadańni dla padradnych arhanizacyj».
«Tłumačym, što heta takoje. Za šmatlikimi ličbami kryjecca zvyčajny pracoŭny praces — u tablicach źmieščany tydniovyja i sutačnyja zadańni dla padradnych arhanizacyj, jakija zadziejničanyja ŭ prajekcie. Robicca heta dla detalovaha manitorynhu terminaŭ i jakaści vykanańnia rabot. Prajekt maštabny, jaki patrabuje padvyšanaj uvahi da kožnaha etapu rabot, da kožnaj drobiazi. Kali chtości nie ŭkładvajecca z vykanańniem zadańniaŭ u adviedzieny čas albo vykonvaje pracu ź niedastatkova naležnaj jakaściu — infarmacyja zanosicca ŭ tablicy.
Pry hetym u cełym heta tyčycca nie asnoŭnych, a spadarožnych rabot, jakija nie ŭpłyvajuć na klučavyja funkcyi, kanstrukcyi i sistemy stancyi. Tak praściej kantralavać likvidacyju zaŭvah — jany jość na luboj budoŭli. Pra defiekty ŭ hetym vypadku havorki nie idzie», — zapeŭnili ŭ Minenierha.
«Tablicy abnaŭlajucca kožny dzień. Adpaviedna, praca nad zadańniami viadziecca pastajanna. Bolšaść z pradstaŭlenych u ich punktaŭ daŭno vykananyja i ŭžo nieaktualnyja», — dadali ŭ viedamstvie.
Čytajcie taksama:
U Biełarusi spažyvańnie elektraenierhii ŭzrasło amal na 5% — Minenierha
Druhi enierhabłok BiełAES znoŭ uklučyli ŭ sietku
U Pinsku prajšoŭ «Parad kalasak». Pieramahła — u vyhladzie BiełAES
Kamientary
Nikakoho Čiernobyla nie było, jeśli by šviedskoje radio nie probołtałoś