U žniŭni ŭ hrybnikoŭ źjaŭlajecca mahčymaść padzarabić na zbory atrutnych hryboŭ. Naprykład, u čacie jahadnikaŭ Hancavickaha rajona abjava ab narychtoŭcy muchamoraŭ była apublikavanaja 27 lipienia, zaŭvažyŭ «Hancavicki čas».
Ciapier hryby prymajuć u vioscy Kukava Hancavickaha rajona. Za kiłahram kapialušykaŭ muchamoraŭ hatovyja zapłacić 1,5 rubla.
U minułym hodzie atrutnyja hryby ŭ hetym rehijonie vosieńniu hrebli tonami. U siaredzinie kastryčnika, pakul jahadniki hnuli śpiny na bałotach, źbirajučy žuraviny, hrybniki «kasili» muchamory i zdavali narychtoŭščykam.
Startavy košt muchamoraŭ u 2022 hodzie byŭ tyja ž 1,5 rubla za kiłahram, paśla cana padniałasia da 2 rubloŭ za kiłahram kapialušykaŭ. Tolki ŭ daždžlivaje nadvorje narychtoŭščyki skidali ceny da 1 rubla, bo tady treba bolš vydatkaŭ, kab hryby vysušyć.
Viaskoŭcy tady tak razachvocilisia, što zdavali muchamory pa 20-60 kiłahramaŭ.
«Ludzi tak staralisia, što pad ciažaram vialikaha abjomu mialisia kapialušyki muchamoraŭ. Kali my składali płastami ŭ skrynački, to abłomki davodziłasia vykidać. A heta minus dla vyručki», — havaryła narychtoŭščyca.
Niekatoryja hrybniki za dzień zarablali na muchamorach pa 100 rubloŭ, a na pryjomnych punktach ich nabiralisia tony.
U farmakałohii ekstrakt čyrvonych muchamoraŭ vykarystoŭvajuć dla stvareńnia preparataŭ suprać anhiny, epilepsii, artrytu, psaryjazu, dermatytaŭ i hrybkoŭ. Srodki z muchamoraŭ dapamahajuć pry varykoznym pašyreńni vien, papiłomach, imi lečać patałohii śpinnoha mozhu, proležni, spazmy sasudaŭ, furunkuły. Kremy z ekstraktam hryba robiać dla lačeńnia varykozu, artrytu, artrozu, asteachandrozu, padahry.
A voś u syrym vyhladzie ŭžyvać muchamor ni ŭ jakim razie nielha. Heta halucynahienny hryb, jaki moža vyklikać mocnaje atručvańnie, až da śmiarotnaha zychodu.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki3
Kamientary
Možna ž prosta pahuhlić, kab daviedacca, što muchamor nie atrutny, a umoŭna jadomy hryb. Pry pravilnym pryhatavańni jaho možna jeści jak zvyčajnyja lisički. Śmiarotnaja doza čyrvonaha muchamora ŭ syrym vyhladzie dla čałavieka -- prykładna 15 kapialušykaŭ ci kala kiłahrama ŭ syrym vyhladzie, što źjeści praktyčna niemažliva. Razmova tolki pra čyrvony muchamor, bo sustrakajucca i inšyja sapraŭdy atrutnyja vidy (naprykład, panterny muchamor).
Inšaja sprava -- psichatropnaje ŭździejańnie, jakoje samo pa sabie nie niasie nijakaj škody arhanizmu, ale dziejańni čałavieka, jaki ŭžyŭ syry hryb u kolkaści navat 10 hramaŭ, mohuć być niepradkazalnymi. Tamu ŭžyvać ich možna tolki pad nahladam vielmi daśviedčanaha (i fizična mocnaha) čałavieka, jaki budzie kantralavać ciabie ŭvieś čas dziejańnia aktyŭnych rečyvaŭ hryba (a heta niekalki hadzin).
A voś navošta ŭžyvać syry muchamor -- heta ŭžo zusim inšaja historyja...