«ManJunajted» kupiŭ hałkipiera za 52,5 młn jeŭra, a jon uziaŭ i prapuściŭ z centra pola VIDEA
Andre Anana ŭ minułym siezonie byŭ pryznany najlepšym hałkipieram Lihi čempijonaŭ, u jaho było vosiem suchich matčaŭ za «Inter» u hetym turniry.
Siońnia «Mančester Junajted» zhulaŭ tavaryski matč suprać francuzskaha «Łansa». U składzie anhlijskaha kłuba na stadyjonie «Ołd Trafard» vyjšaŭ kamierunski hałkipier Andre Anana, jaki niekalki tydniaŭ tamu pierajšoŭ ź italjanskaha «Intera» za 52,5 młn jeŭra.
Na 23-j chvilinie kamieruniec nieabačliva vyjšaŭ z varot, i Fłaryjan Sataka z centra pola pierakinuŭ za jaho miač.
Što praŭda, MIU zdoleŭ pieramahčy vysiłkami Markusa Rešfarda, Antoni i Kaziamira — 3:1.
Andre Anana ŭ minułym siezonie byŭ pryznany najlepšym hałkipieram Lihi čempijonaŭ, u jaho było vosiem suchich matčaŭ za «Inter» u hetym turniry. Što praŭda, u finale miłanski kłub prajhraŭ «Mančester Sici».
Admietna, što za «Łans» niekalki chvilinaŭ zhulaŭ Abdukadzir Chusanaŭ, jon vyjšaŭ na pole na 86-j chvilinie. Jašče na pačatku lipienia 19-hadovy ŭźbiek hulaŭ za minski «Enierhietyk».
Čempijanat Francyi startuje na nastupnym tydni. «Łans» u pieršym tury zhulaje suprać «Bresta».
Taksama kłub voźmie ŭdzieł u hrupavym raŭndzie Lihi čempijonaŭ. Cikava, ci pryžyviecca były abaronca čempijanatu Biełarusi ŭ novym kłubie.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary