Biełaruskaja kamanda «Pahonia» debiutuje ŭ II kvalifikacyjnym raŭndzie Kubka Polščy pa futbole
U aŭtorak biełaruski futbolny kłub «Pahonia Varšava/Team Ivulin» zhulaje aficyjny matč suprać polskaj «Victoria Zerzeń». Heta stanie pieršaj hulnioj chłopcaŭ na prafiesijnym uzroŭni.
Kamanda, jakaja składajecca vyklučna ź biełaruskich hulcoŭ, atrymała dazvoł na ŭdzieł u Kubku Polščy ad Polskaha futbolnaha sajuza, paviedamlaje Biełaruski fond spartyŭnaj salidarnaści.
FK «Pahonia Varšava» byŭ stvorany ŭ 2022 hodzie i pravioŭ šmat amatarskich matčaŭ i navat turniraŭ u padtrymku biełaruskich palitźniavolenych.
Partnioram kamandy dla ŭdziełu ŭ Kubku Polščy vystupaje Biełaruski fond spartyŭnaj salidarnaści.
My zaprašajem vas dałučycca da hetaj histaryčnaj padziei i padtrymać našych suajčyńnikaŭ u važnaj dla kamandy hulni!
- Lazienkowska 3, Varšava
- Aŭtorak, 8 žniŭnia, 20:30
- Uvachod volny
«My vielmi raźličvajem pabačyć vas na trybunach zapasnoha pola varšaŭskaj Lehii pa adrasie Łazienkowska 3 (uvachod praz parkinh kala Zachodniaj trybuny hałoŭnaha stadyjona)», — paviedamlaje BFSS.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary