«Tady Rasii budzie naplavać na Danbas»: hienierał ZŠA raspavioŭ, jak Ukraina pieramoža ŭ vajnie
Ukrainie dla pieramohi ŭ poŭnamaštabnaj vajnie nieabchodna zrabić akupavany Krym nieprystupnym dla vojska RF.
Takoje mierkavańnie vykazaŭ były kamandujučy armijaj Złučanych Štataŭ Amieryki ŭ Jeŭropie, hienierał-lejtenant u adstaŭcy Ben Chodžes u tvitary, adkazvajučy na post šviedska-amierykanskaha ekanamista i dypłamata Andersa Osłunda ab napadzie na Krymski most, zaŭvažyŭ «UNIAN».
«Ukraina, padobna, pastupaje pravilna. Jana bambić Kierčanski most i masty na poŭnačy Kryma, pakidajučy Krym biez suchaputnaha zabieśpiačeńnia. Rasii lepš syści z Kryma i Sievastopala», — napisaŭ Osłund.
U adkaz Chodžes napisaŭ, što vielmi vieryć u Hienieralny štab Uzbrojenych sił Ukrainy i jaho vajskoŭcaŭ. «Izalavać Krym i zrabić jaho nieprystupnym dla rasijskich vojskaŭ — voś jak jany pieramohuć. Krym — heta kluč. Kramlu budzie naplavać na Danbas, kali z Krymam budzie skončana», — dadaŭ jon.
Upieršyniu vybuchi na moście prahučali 8 kastryčnika 2022 hoda. Na miescy vybuchu pačaŭsia pažar, u vyniku zdareńnia abrynulisia dva aŭtamabilnyja praloty. Druhaja ataka była ŭ noč na 17 lipienia 2023 hoda.
12 žniŭnia USU znoŭ udaryli pa Krymskim moście. Akupacyjnyja ŭłady paviedamili, što pierachapili siłami SPA dźvie rakiety. Ruch pa moście byŭ pierakryty niekalki hadzin.
Pra datyčnaść Ukrainy da ŭdaraŭ pa Krymskim moście ŭ svaim viačernim zvarocie 13 žniŭnia skazaŭ prezident Ukrainy Uładzimir Zialenski.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary