U Łucku, na samym zachadzie Ukrainy, pry abstrele zahinuli try čałavieki. U Lvovie rakieta trapiła ŭ dvor dziciačaha sada
U Łucku Vałynskaj vobłaści pad načny abstreł trapiła pramysłovaje pradpryjemstva, paviedamlaje kiraŭnik abładministracyi Juryj Pahulajka. U vyniku ataki zahinuli try čałavieki, jašče niekalki čałaviek paciarpieli.
U Lvovie pry abstrele było paškodžana bolš za 100 žyłych damoŭ, paviedamiŭ mer horada Andrej Sadovy. Adna z rakiet prylacieła ŭ dvor dziciačaha sada, u vyniku čaho, pavodle jaho słoŭ, jon byŭ razburany. Čatyry žychary źviarnulisia pa mieddapamohu, paviedamlaje «Dožd́».
Jak udakładniaje kiraŭnik Lvoŭskaj abładministracyi Maksim Kazicki, abłomki rakiet u tym liku ŭpali na šmatkvaternyja damy, vyklikaŭšy razbureńni.
Akramia taho, u adnym z hipiermarkietaŭ Lvova paśla padzieńnia abłomkaŭ rakiety abvaliłasia stol. Jašče bolš za 10 damoŭ paškodžana ŭ siołach Staŭčany i Suchavola Lvoŭskaj vobłaści.
U Dniapry zafiksavali traplańni ŭ pramysłovaje pradpryjemstva i spartyŭny abjekt, paviedamlaje kiraŭnik abładministracyi Siarhiej Łysak. Dvoje žycharoŭ — 59-hadovaja žančyna i 70-hadovy mužčyna — było paraniena.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary