Aryštavanyja transpartnyja srodki daŭžnikoŭ nieŭzabavie buduć spyniać na miažy i pieradavać sudovym vykanaŭcam. Heta praduhledžana pastanovaj Miniusta ad 10 žniŭnia 2023 hoda № 47, apublikavanaj na Nacyjanalnym pravavym partale.
Dakumient maje ŭstupić u siłu 1 sakavika 2024 hoda, a sutnaść jaho ŭ tym, što orhany prymusovaha vykanańnia buduć ciapier uzajemadziejničać ź Dziaržpahrankamitetam.
Pry pryniaćci rašeńnia ab zabaronie na pieramiaščeńnie praź dziaržaŭnuju miažu aryštavanaha transpartnaha srodku daŭžnika źviestki pra taki aŭtamabil buduć zanosicca ŭ bazu danych punktaŭ propusku.
U vypadku ŭstanaŭleńnia pamiežnikami abo mytnikami takoha transpartnaha srodku, jaki vyjazdžaje abo ŭjazdžaje ŭ krainu, aŭtamabilu nie dazvolać pakinuć terytoryju punkta propusku, pakul nie prybudzie sudovy vykanaŭca i nie adbiare jaho.
Źviestki buduć adpraŭlacca na miažu nie paźniej za adzin pracoŭny dzień z momantu vyniasieńnia pastanovy ab zabaronie na pieramiaščeńnie transpartnaha srodku. Pry vyjaŭleńni takoha aŭtamabila orhany prymusovaha vykanańnia infarmujucca nieadkładna.
Sudovy vykanaŭca paśla atrymańnia takoj infarmacyi na praciahu troch pracoŭnych dzion vyjazdžaje ŭ punkt propusku i zabiraje transpartny srodak na achoŭnuju stajanku.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?16
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary