Hienprakuratura apublikavała śpisy litoŭcaŭ i łatyšoŭ, datyčnych da «hienacydu biełaruskaha naroda»
Hienieralnaja prakuratura ŭ ramkach rasśledavańnia spravy ab «hienacydzie biełaruskaha naroda» apublikavała śpisy nibyta datyčnych da vajennych złačynstvaŭ, ździejśnienych padčas Druhoj suśvietnaj vajny, ź Litvy i Łatvii.
U łatyšski pieralik uklučyli 251 čałavieka, u tym liku vajskoŭcaŭ łatyšskaha lehijona SS, palicejskich bataljonaŭ, atrada łatyšskaj dapamožnaj palicyi. Dla častki proźviščaŭ paznačanyja kankretnyja złačynstvy, naprykład, źniščeńnie hieta ŭ Miensku. Dla častki paznačana «padazravany ŭ ździajśnieńni złačynstvaŭ suprać mirnych hramadzian na akupavanaj terytoryi BSSR».
U litoŭskim śpisie 85 asob, u asnoŭnym słužboŭcy palicejskich bataljonaŭ. Dla niekatorych paznačanyja kankretnyja złačynstvy, ale ŭ bolšaści vypadkaŭ prosta staić paznaka ab udziele ŭ karnych apieracyjach i da t. p.
Raniej Hienprakuratura ŭžo vykładała anałahičnyja śpisy niemcaŭ, jakija byli aformlenyja vielmi nieachajna. Časam u ich byli paznačanyja tolki imiony, proźviščy, proźviščy ź inicyjałami, časam navat mianuški. Novyja pieraliki technična aformlenyja bolš staranna, ale jość padazreńnie, što farmavalisia jany taksama biez rasśledavańnia piersanalnaj viny kožnaha fihuranta. Dy i jość sumnievy, nakolki hetyja śpisy novyja: papiaredniaja praktyka pakazvała, što niaredka pad biahučyja patreby prakuratury prosta adaptujucca śpisy, składzienyja i apublikavanyja raniej, u tym liku jašče ŭ savieckija časy.
Marzaluk pakazaŭ «śviedčańnie złačynstvaŭ pad bieła-čyrvona-biełym ściaham». Ale heta chłuśnia — voś što na fota
Švied anansavaŭ na listapad pieršy sud nad pamierłym «nacysckim złačyncam»
U jakich vypadkach u Biełarusi raniej sudzili pamierłych i ci zmohuć ciapier sa svajakoŭ patrabavać kampiensacyi pa takich spravach?
Homielski prakuror u prapahandysckim zapale «źniščyŭ» padčas vajny 100 tysiač hamialčan
Kamientary