Elektrazabieśpiačeńnie ŭ Nihieryi, samaj hustanasielenaj krainie Afryki, časta parušajecca, niahledziačy na jaje rolu bujnoha vytvorcy nafty i hazu.
Ranicaj u čaćvier uzrovień vypracoŭki elektraenierhii ŭ samaj hustanasielenaj krainie Afryki ŭpaŭ da nula miehavat. Suviaź pastupova adnaŭlałasia na praciahu dnia, piša Bi-bi-si.
Elektrazabieśpiačeńnie ŭ Nihieryi, raźmieščanaj na zachadzie Afryki, časta parušajecca, niahledziačy na jaje rolu bujnoha vytvorcy nafty i hazu.
Toje, što adbyłosia ŭ čaćvier, stała samym surjoznym adklučeńniem za hod — u 2022 hodzie enierhasistema zachodnieafrykanskaj krainy vychodziła z ładu prynamsi čatyry razy, što ŭłady śpisvali na techničnyja prablemy.
Šerah kampanij pa raźmierkavańni elektraenierhii paviedamili klijentam u X (były Twitter), što samyja apošnija adklučeńni elektraenierhii byli vynikam «poŭnaha sistemnaha kałapsu».
Ministr enierhietyki Adebajo Adełabu zajaviŭ, što paśla pažaru adbyŭsia vybuch na linii elektrapieradačy, jakaja złučaje dźvie elektrastancyi ŭ Nihieryi, što pryviało da adklučeńnia elektraenierhii.
«Pažar byŭ całkam łakalizavany, i bolš za pałovu złučeńniaŭ adnoŭlena, a astatnija buduć całkam adnoŭleny ŭ samyja karotkija terminy», — skazaŭ Adełabu.
Mienš za 50% nasielnictva Nihieryi maje dostup da rehularnaha elektrazabieśpiačeńnia. Bolšaść damoŭ i pradpryjemstvaŭ źviartajucca da hienierataraŭ, inviertaraŭ i inšych krynic elektraenierhii, kab nie zaležać ad nacyjanalnaj elektrasietki.
Adnak mnohija ź ich ciapier abychodziacca daražej paśla skasavańnia ŭradam paliŭnych subsidyj u mai minułaha hoda.
Tearetyčny maksimalny abjom elektraenierhii, jaki Nihieryja mahła b vyrablać, składaje 12 500 MVt, ale zvyčajna kraina vyrablaje tolki čverć hetaha abjomu.
Kamientary
samaj hustanasielenaj krainie Afryki,
budzie jašče bolš nasialenija